QR Syrtqy ister ministrliginiń resmi ókili Aibek Smadiiarov Tailand qazaqstandyqtardyń kelip-ketýine shekteý qoimaǵanyn aitty, dep habarlaidy "Ult aqparat".
«Qazaqstandyq birqatar BAQ-ta Tailand biligi koronavirýstyń taralýynan 18 el, sonyń ishinde Qazaqstan azamattarynyń elge kirý tártibin qatańdatty degen aqparat jariialandy. Osyǵan qatysty tai tarapynan resmi aqparat kelip túspegenin habarlaimyn. Bizdiń Bangkoktaǵy elshiligimiz Tailand Syrtqy ister ministrligimen bailanysyp, bul másele tai quzyretti organdarynyń qaraýynda jatqanyn jáne atalmysh ereje kúshine enbegenin anyqtady», - málim etti Aibek Smadiiarov.
Onyń aitýynsha, qandai da bir aqparat shyqqan jaǵdaida qazaqstandyq diplomattarǵa aldyn ala habarlanady.
Eske sala keteiik, búgin Reuters agenttigi Tailandtyń 18 memleket, onyń ishinde Qazaqstan azamattarynyń elge kirýine shekteý qoiǵanyn habarlaǵan bolatyn.
