2019 jyldyń aqpan aiynan bastap Tailand Qazaqstan azamattaryna E-VOA (e-Visa On Arrival) vizasyn bere bastaidy, dep habarlaidy "Ult aqparat" QR Syrtqy ister ministrligine silteme jasap.
«2019 jyly 14 aqpannan bastap Tailand birqatar elderdiń, sonyń ishinde Qazaqstannyń da azamattary úshin el aýmaǵyna kelgende beriletin E-VOA (e-Visa On Arrival) vizasyn berý qyzmetin iske qosady. Atalǵan qyzmet qujattardy toltyrý, immigratsiialyq qyzmet jumyskerleriniń olardy tekserýi jáne vizanyń rásimdelýin kútýge jumsalatyn áýejaidaǵy ýaqytty aitarlyqtai azaitady», - delingen QR SIM baspasóz qyzmetiniń resmi habarlamasynda.
E-VOA qyzmetin alý úshin Tailandqa saparǵa attanardan eń kemi 30 kún buryn jáne 24 saǵattan keshiktirmei, arnaiy saitqa kirip, tapsyrys berý qajet.
Azamattar elektrondy formany toltyryp, viza aqysyn MasterCard, Visa, Union Pay nemese WeChat Pay jáne Alipay-diń nesielik nemese debettik kartalary arqyly onlain rejimde tólei alady.
E-VOA qyzmetin paidalanǵan týrister Tailandtaǵy tórt negizgi halyqaralyq áýejaidyń kez kelgenine kele alady: Sývarnabhými, Donmyang, Phýket jáne Chiangmai halyqaralyq áýejailary.
2019 jyldyń sońyna deiin bul qyzmet túri Tailandtaǵy basqa áýejailarda qol jetimdi bolady.
Aita keteiik, Tailand úkimeti Qazaqstannan kelgen týristerge tegin viza berý merzimin 2019 jyldyń 30 sáýirine deiin uzartty.
