Foto: ashyq derekkóz
Investor retinde tailandtyq Sea Value Plc kompaniiasy jobany 2025 jyly Almaty oblysynda iske qosý josparlanyp otyrǵanyn málimdedi, dep habarlaidy "Ult aqparat" Stan.kz aqparat agenttigine silteme jasap.
Málimetterge sensek, shikizatty Qazaqstan men Reseidiń balyq sharýashylyqtary jetkizedi. Óndiristiń qýaty kúnine 3-5 tonna balyq ónimin quraidy. Daiyn ónim Tailandqa jáne basqa elderge eksporttalady. Keleshekte kompaniia Qazaqstan aýmaǵynda óndiriletin ónim túrlerin keńeitýdi josparlap otyr. Sonyń ishinde úi janýarlaryna arnalǵan azyq, taýyq proteini, taýyqtan jáne balyqtan jasalǵan muzdatylǵan jartylai fabrikattar, fistashkaly jáne badam súti jáne taǵy basqalary bar.
Sondai-aq kompaniia qazaqstandyq distribiýtormen seriktestikte Almaty oblysynda aimaqtyq logistikalyq hab qurý jumystaryn júrgizip jatyr. Hab EAEO jáne Ortalyq Aziia naryqtaryna ónimderdi importtaý, saqtaý jáne taratýǵa arnalǵan.
Bul kásiporyn – Tailandtaǵy konservilengen týnets óndiretin ekinshi iri óndirýshi, óz ónimin álemniń 150 eline eksporttaidy.
Eske salaiyq, buǵan deiin 2024 jyldyń sáýirinde Qazaqstan Tailandpen turaqty vizasyz rejim týraly kelisimdi bekitkenin jazdyq.
