Farhat Sháripovtyń «Shema» filmi halyqaralyq Berlin kinofestivaliniń konkýrstyq baǵdarlamasyna kirdi, dep habarlaidy QazAqparat.
QR Mádeniet jáne sport ministrligi tapsyrysy boiynsha Ulttyq kinony qoldaý ortalyǵy qoldaýymen Medeor kompaniiasy túsirgen «Shema» kórkem filmi Germaniiada aqpannyń 10-y men 20-sy aralyǵynda aralas formatta ótetin 72-shi halyqaralyq Berlin kinofestivaliniń Generation konkýrstyq baǵdarlamasyna ilindi.
Bul týraly filmniń kreativti prodiýser Iýliia Kim óziniń Facebook paraqshasynda habarlady.
Kúrdeli taqyrypta túsirilgen kinotýyndynyń jelisi kastingke kelgen jasóspirimderdiń jeke oqiǵalaryna negizdelgen.
Rejisser Farhat Sharipov óz filmderinde aqiqatty ashyp kórsetýge árdaiym talpynatynyn aita ketý kerek.
2020 jyly kúz aiynda qolǵa alynǵan kinotýyndynyń túsirý jumystary negizinen Almatyda ótti.
Basty rólderdi Viktoriia Romanova jáne Tair Svintsov esimdi jas akterler somdady. Bul olardyń alǵashqy róli ekenin aita ketken jón.
Filmniń qoiýshy operatory Aleksandr Plotnikov, al qoiýshy sýretshisi – Aleksei Shindin. Kinokartinanyń prodiýseri - Dina Jumabek.
Generation – Berlin kinofestivaliniń balalar men jasóspirimder taqyrybynda túsirilgen filmderge arnalǵan konkýrstyq baǵdarlamasy.
Búginde qazaqstandyq filmnen basqa bul baiqaýda Japoniia, Germaniia, Resei, AQSh, Chili jáne Rýmyniia elderi túsirgen filmder de bar.
72-shi halyqaralyq Berlin kinofestivaliniń jeńimpazdary 16 aqpanda jariialanady.
