Aqmola oblysy aýrýhanalarynyń birinde brakonerlermen kúresken tabiǵatty qorǵaý inspektory qaitys boldy, dep habarlaidy "Ult aqparat".
«Derjavinsk qalasynyń aýdandyq aýrýhanasyna jetkizilgen «Ohotzooprom «ÓB» RMQK inspektory oq jaraqatynan qaitys boldy. Ekinshi inspektorǵa sol aýrýhanada ota jasalyp jatyr», - dep jazdy QR AShM Orman sharýashylyǵy jáne janýarlar álemi komitetiniń baspasóz hatshysy Sáken Dildahmet.
Eske salaiyq, osyǵan deiin "Ohotzooprom" inspektorlary aqbókenderdi atqan brakonerlerdi qýyp, saldarynan jaraqattandy. Zardap shekkenderdiń biri aýyr jaǵdaida jatqany habarlandy.
23 shildede shamamen 11:00-de Aqmola bekinis pýnktiniń "Ohotzooprom ÓB" RMQK ortalyq aimaqtyq filialynyń inspektorlary tabiǵat qorǵaý zańnamasyn buzǵandardy anyqtaý men bultartpaý sharalaryn ótkizý barysynda Aqmola oblysy Jarqaiyń aýdanynyń aimaǵynda aqbóken atý deregin tirkegen.
Eki inspektor brakonerlerdiń sońynan qýyp ketken. "Niva" avtokóliginiń memlekettik nómirin anyqtaý múmkin bolmaǵan. Nómirdiń Qostanai oblysynan ekeni ǵana belgili boldy.
