«Bek Eir» AQ áýe kompaniiasynan toqtatylǵan áýe reisteri úshin satyp alynǵan bilet qunyn qaitarý úshin taǵy 108 qazaqstandyq ótinish berdi, dep habarlaidy "Ult aqparat".
«Qazaqstandyqtar QR Saýda jáne integratsiia ministrliginiń Tutynýshylardyń quqyqtaryn qorǵaý komitetine toqtatylǵan reisterdiń biletteri úshin aqshalai qarajatty ótemegen «Bek Eir» AQ áýe kompaniiasyna qatysty buzylǵan quqyqtaryn qalpyna keltirý týraly ótinishterin joldap jatyr. Úshinshi talap-aryzda TQQK 7,6 mln teńgege 212 áýe biletin satyp alǵan 108 qazaqstandyqtyń múddesin bildiredi», - delingen komitet taratqan aqparatta.
Sotta óz múddelerin bildirý úshin tutynýshylar TQQK meken-jaiyna myna siltemeden júktep alynǵan anyqtamany jiberýi kerek. Ótinishter elektrondyq úkimettiń portaly jáne telegramm-boty artqy qabyldanady.
Buǵan deiin sot tutynýshylar quqyǵyn qorǵaý komitetiniń «Bek Eir» AQ-na qatysty ekinshi talabyn qanaǵattandyrǵanyn habarlaǵan edik.
Eske sala ketsek, 2019 jyldyń 27 jeltoqsanynda Almatydan Nur-Sultan qalasyna ushyp shyqqan Bekeir kompaniiasynyń ushaǵy radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Ushaq jerge qulaǵan soń syrǵanap baryp áýejai aýmaǵyna jaqyn tustaǵy aýyl shetindegi eki qabatty úige soǵylǵan. Saldarynan 12 adam qaza tapty. Osydan keiin Bek Air áýe kompaniiasyna tiesili toǵyz Fokker-100 ushaǵynyń qyzmeti toqtatyldy.
