Ekologiia, geologiia jáne tabiǵi resýrstar ministri Maǵzum Myrzaǵaliev tabiǵatqa keltirilgen zardaptar boiynsha jaza qalai qatańdatylatynyn aityp berdi, dep habarlaidy QazAqparat.
«Birinshiden, tabiǵatty qorǵaý salasyndaǵy quqyqbuzýshylyqtar boiynsha aiyppul 10 AEK-ten 20 AEK-ke (1 AEK – 2778 teńge) ósedi. Iaǵni, eki ese. Orta biznes sýbektilerine 30-75 AEK-ke deiin, iri bizneske 500 AEK-ke deiin aiyppul salynady. Sonymen qatar qorshaǵan ortany qorǵaý salasyndaǵy jumys istep júrgen mamandardyń quzyry da artady», - dedi Maǵzum Myrzaǵaliev Úkimettiń baspasóz ortalyǵynda ótken brifing barysynda.
Ministrdiń sózinshe, endi kópshilik tutynatyn qoǵamdyq oryndardy bylǵaý áreketterine, qalalar men eldi mekenderdegi jasyl jelekke ziian keltirýge, sý resýrstaryn qorǵaý erejesin, ormandaǵy órt qaýipsizdigi talaptary men sanitarlyq erejelerdi buzýǵa, orman faýnasyn joiǵan nemese ziian keltirýge jáne ormanǵa qoqys, himiialyq zattar tastaýǵa, basqa da orman qoryna keltirilgen zalalǵa qatysty aiyppuldar quny artpaq.
Eske sala ketsek, Memleket basshysy Qasym-Jomart Toqaev tabiǵatqa ziianyn tigizgen zańbuzýshylarǵa salynatyn aiyppul qunyn ulǵaitýdy tapsyrǵan bolatyn.
Óz kezeginde M.Myrzaǵaliev tabiǵatqa qatygezdik tanytý faktilerimen kúrestiń eki sheshimi týraly aitty. Onyń biri – ekologiialyq bilim berý, ekinshisi – aiyppul salý.
Sondai-aq ministr ekologiiaǵa zalal keltirilse, tabiǵat paidalanýshy qorshaǵan ortany bastapqy qalpyna keltirýge mindetti bolatynyn málim etken edi. Onyń sózine qaraǵanda, bul printsip lastanýdyń aldyn alýdy jáne baqylaý sharalaryn, sondai-aq qorshaǵan ortaǵa keltirilgen zalaldy qalpyna keltirý úshin jaýapkershilikti kúsheitedi.
