"Óner barysy" respýblikalyq týrniriniń aýyr salmaqtaǵy bas júldesin Syrymbet Bibosynov jeńip aldy, dep habarlaidy QazAqparat tilshisi.
Aqtyq synda "Óner qyrandarynyń" ónerpazy Syrymbet Bibosynov ánshi Ardaq Baiǵabylmen kúresken bolatyn. 5 minýtqa sozylǵan beldesý barysynda Syrymbet eki ret ádis jasap, qarsylasynan basym tústi. Osylaisha, ol elimizde alǵash ret ótkizilgen "Óner barysy" respýblikalyq týrniriniń bas júldesin jeńip aldy.
Aita keteiik, "Óner barysy" respýblikalyq týrniriniń qola júldesi aýyr salmaqta Erkebulan Daiyrovqa, jeńil salmaqta Abai Aiazbaevqa buiyrǵanyn habarlaǵan edik.
Sondai-aq, jeńil salmaqta Asylhan Tólepov "Óner barysy" atanǵan bolatyn.
