Syrtqy ister ministrligi shetelge zańsyz jumysqa shyǵatyn qazaqstandyqtarǵa eskertý jasady, dep habarlady Sputnik Qazaqstan.
Qazaqstandyqtar Norvegiiaǵa barýǵa asyǵady
Ministrliktiń resmi ókili Aibek Smadiiarovtyń aitýynsha, búginde Norvegiiada zańsyz maýysymdyq jumys isteitin qazaqstandyqtar bar. Olar Eýropanyń basqa memleketteri arqyly shengen vizasyn alyp, sol elge barýǵa asyǵady.
"Qazaqstan azamattarynyń Norvegiiaǵa zańsyz maýsymdyq eńbek kóshi-qon jaǵdailaryna bailanysty qoǵam nazaryna kelesi málimetti jetkizemiz. Maýsymdyq jumysqa ruqsatty rásimdeý jónindegi norvegiialyq erejeler óte qatań. Sondyqtan Norvegiiaǵa Qazaqstandaǵy basqa Eýropa memleketteriniń elshilikteri arqyly rásimdelgen shengen vizasymen barýǵa jáne osy eldiń aýmaǵynda qujattardy maýsymdyq jumysshy retinde berýge ruqsat etilmeidi", - dedi Smadiiarov búgingi baspasóz máslihatynda.
Onyń sózine qaraǵanda, tiisti ruqsattar men vizalardy Norvegiianyń Máskedeýgi elshiligi ǵana beredi. Barlyq talap osy diplomatiialyq missiianyń resmi saitynda kórsetilgen.
"Maýsymdyq kelisimshart Norvegiiada alty aidan aspaityn ýaqyt isteýge múmkindik beredi. Al onyń merzimi aiaqtalǵannan keiin elden ketýdi talap etedi. Internette ózderin shetelde jumysqa ornalastyratyn agent retinde jarnamalaityn "deldaldar" bar, azamatttardy osy alaiaqtardan saq bolýǵa shaqyramyz", - dep atap kórsetti Smadiiarov.
"Adamdar aldansa da, eshteńe aitpaidy"
Ministrliktiń resmi ókili shetelde jumysqa turǵyzýdy usynatyn kompaniialardyń kóbeiip ketkenin de jetkizdi. Internette olardyń jarnamalary órip júr. Atalǵan kompaniialar jumysqa turǵyzýǵa kepildik bermeidi. Biraq aqshany alyp qalady. Al Qazaqstan azamattary shetelge barǵannan keiin aldanyp qalǵandaryn túsinedi.
"Deldaldar jarnama jasap, shetelde jumysqa turǵyzamyz deidi. Alaida adamdar sol jaqqa barǵannan keiin aldanyp qalǵandaryn túsinedi. Elshilikke baryp, kómek suraidy. Sondyqtan aldymen baratyn eldiń zańdary men erejelerin oqyp alǵan durys. Sóitip, bárin zańdy túrde jasaǵan jón", - deidi Smadiiarov.
Onyń sózine qaraǵanda, qazaqstandyqtar kóp jaǵdaida Eýropa elderine, sondai-aq, Ońtústik Koreiaǵa jumys izdep barady. Biraq kóbisi aldanyp qalǵandaryn aitqysy kelmeidi.
"Qazaqstandyqtardyń Chehiia men Ulybritaniiaǵa zańsyz baryp, jumys isteý faktileri de bar. Olar týristik vizamen kiredi de, sol jerde zańsyz jumys istep ketedi. Al olardy jibergen kompaniialar qajetti qujattardy áne istep beremiz, mine istep beremiz dep, aldap otyrady. Iá, kóp adam aldanyp qalǵanyn aitqysy kelmeidi. Sodan aryz berip shaǵymdanbaidy. Elshilikke baryp, jaǵdailaryn aitady. Boldy. Biraq ary qarai ishki ister organdaryna barmaidy. Sondyqtan barynsha saq bolý kerek", - dep eskertti Smadiiarov.
"Ásirese, internette Ońtústik Koreiada jumysqa turǵyzamyz deitin deldal kompaniialar kóp. Olar óz qyzmeti úshin 2000-4000 dollar alady. Biraq eshqandai kepildik bermeidi. Al Koreiaǵa zańsyz barǵan adam ne isteidi? Árine, bergen aqshasyn qaitaryp alýǵa tyrysady. Sondyqtan zańsyz jumys izdep ketedi", - dep túiindedi Smadiiarov.
