Syrtqy ister ministri Beibit Atamqulov 19-20 tamyzda Germaniia Federativtik Respýblikasyna resmi saparmen barady. Bul týraly Syrtqy ister ministrliginiń resmi ókili Aibek Smadiiarov málimdedi, dep habarlaidy "Ult aqparat".
«Sapar aiasynda Germaniianyń syrtqy ister ministri Haiko Maas, federaldyq prezident jáne federaldyq kantsler vedomstvolarynyń basshylarymen kezdesýler josparlanǵan. Kezdesý barysynda saiasi jáne saýda-ekonomikalyq yntymaqtastyqtyń aǵymdaǵy máselelerin, sondai-aq kópjaqty diplomatiia boiynsha ózara is-qimyl máselelerin talqylaý josparlanǵan», - dep aitty ministrliktiń resmi ókili.
Onyń aitýynsha, Qazaqstannyń investitsiialyq ahýalyn tanystyrý josparlanǵan nemis kompaniialary basshylarynyń qatysýymen ótetin dóńgelek ústel sapardyń negizgi is-sharalarynyń biri bolmaq.
