Biylǵy birinshi toqsannyń ózinde óńdeý ónerkásibi salasyndaǵy eńbek ónimdiligi 10%-dan asyp, shikizattyq emes ónim eksportynyń kólemi 2,7 esege kóbeidi. Bul týraly búgin oblystyq máslihattyń kezekti sessiiasynda aimaq basshysy Q.Kósherbaev málimdedi.
Depýtattardyń aldynda sóz alǵan óńir basshysy birinshi jartyjyldyqtyń qorytyndysymen barlyq makrokórsetkishter boiynsha oń dinamikaǵa qol jetip otyrǵanyn aitty.
"Birinshi jartyjyldyqtyń qorytyndysymen barlyq makrokórsetkishter boiynsha oń dinamikaǵa qol jetkizdik. Atap aitqanda, investitsiialar kólemi - 117,2%, qurylys jumystary - 115,9%, aýyl sharýashylyǵy ónimderin óndirý - 102,7% jáne óńdeý ónerkásibi kólemi - 100,5% joǵary. Al, óńdeý ónerkásibi salasyndaǵy eńbek ónimdiligi biylǵy birinshi toqsannyń ózinde 10%-dan assa, shikizattyq emes ónim eksportynyń kólemi 2,7 esege kóbeidi. Bólshek taýar ainalymyndaǵy - 101,1% oń dinamika biz úshin óte mańyzdy. Budan halyqtyń satyp alý qabiletiniń birshama joǵarylaǵanyn kóremiz. Atap ótý qajet, sáýir aiynda Jalpy óńirlik ónim óndirýdiń 2017 jylǵy qorytyndysy shyǵarylǵan bolatyn. 2017 jyly oblysta jalpy quny 1,5 trln teńgeniń ónimi shyǵaryldy, bul 2016 jylmen salystyrǵanda 0,8%-ǵa kóp. Jalpy óńirlik ónim boiynsha sońǵy 4 jylda, alǵash ret oń vektorǵa shyqtyq", - dedi oblys ákimi.
Sondai-aq, ónerkásiptik óndiris kólemi (95,3%) jáne turǵyn úi berý boiynsha (74,3%) oblys azdap qalyp kele jatqanyn aitty. Alaida, jyl sońyna qarai atalmysh eki kórsetkish boiynsha da ósim bolady degen senimdi boljam bar.
Óńir ekonomikasyn damytýda ony ártaraptandyrý máselesi áli de ózekti bolyp qala bermek. Atap óteiik, indýstriialandyrý Kartasynyń aiasynda 22 joba júzege asýda, qazir onyń 16-sy boiynsha ónim óndirilip, 1700 adam jumyspen qamtylyp otyr. Sońǵy 6 aida osy jobalar sheńberinde jalpy quny 11 mlrd. teńgeden astam ónim shyǵaryldy. Bul byltyrǵy osy kezeńmen salystyrǵanda 30%-ǵa artyq. Al, osy Karta jobalary negizinde óndirilgen ónim eksporty 37% -ǵa kóbeigen.
Oblystyń agrarlyq sektory da jaqsy kórsetkishterge qol jetkizip otyr. Aimaq basshysynyń sózine qaraǵanda, tek biylǵy jyldyń ózinde aýyl sharýashylyǵynyń negizgi kapitalyna salynǵan investitsiia kólemi 85%-ǵa, aýyl sharýashylyǵy ónimderin óndirý kólemi 2,7%-ǵa, azyq-túlik ónimderin óndirý kólemi 15%-ǵa artsa, aýyl sharýashylyǵy ónimderi eksporty kólemi ónimniń zattai kórinisinde 66%-ǵa, al, dollar ekvivalentimen 7,3%-ǵa ósti.
Ónerkásiptik baǵytta oblys kartop, kókónis jáne baqsha ónimderin óndirýdi damyta bastady. Aǵymdaǵy jyly Qyzylorda qalasynda ispan tehnologiiasy boiynsha jumys isteitin avtomattandyrylǵan alǵashqy jylyjai kesheni salynady. Budan basqa, Shieli aýdanynda taǵy da 20 jylyjai salý josparlanyp otyr. Al, Jańaqorǵan aýdanynda túrik investorlarynyń qatysýymen qyzanaq ósiretin iri jobany júzege asyrý josparlanýda.
Qazirgi ýaqytta eksporttyq áleýetti arttyrý jáne ótkizý naryǵyn ulǵaitý jumystary maqsatty júrgizilýde.
Esterińizge sala keteiik, 2016 jyly baqsha ónimderi eksporty, al, 2017 jyly kókónis jáne mal ónimderi eksporty qaita jańǵyrtylǵan bolatyn. Aǵymdaǵy jyly maqsary maiyn eksporttaý bastaldy, alǵashqy 11 tonnasy naýryz aiynda Qytai eline jiberildi. Jyl sońyna deiin taǵy 500 tonna mai eksporttaý josparlanyp otyr.
Áleýmettik nysandardy salý da basty nazarda. Ústimizdegi jyly oblys aýmaǵynda 41 áleýmettik nysannyń qurylysy júrgizildi. Olardyń 20-sy paidalanýǵa berildi. Qalǵan 10 nysan jyl aiaǵyna deiin ashylady, al, 11-niń qurylysy 2019 jyly aiaqtalatyn bolady. Bilim salasynda ústimizdegi jyly 15 nysan paidalanýǵa beriledi. Jyl basynan beri 4 mektep jáne 6 balabaqsha iske qosyldy. Taǵy 4 mektep pen balabaqsha ekinshi jartyjyldyqta salynady.
Biyl Aral qalasynda biýdjet esebinen salynǵan 150 tósektik aýdandyq aýrýhana paidalanýǵa berilip, Jańaqorǵan kentindegi 250 kelýshige arnalǵan emhana qurylysy aiaqtalady dep josparlanýda. Sonymen qatar, Shieli kentinde 150 oryndyq aýdandyq aýrýhana, Qarmaqshy aýdanynyń III Internatsional aýylynda 10 tósektik aýrýhana qurylysy júrgizilýde, 2019 jyly eki nysan da paidalanýǵa beriledi. Sondai-aq, Jalaǵash aýdanyndaǵy apatty aýrýhananyń ornyna jańadan aýrýhana salý da josparda bar.
Esterińizge sala keteiik, 2018 jyl Qyzylorda oblysynda jappai kásipkerlikti damytý jyly bolyp jariialandy. Maýsym aiynda oblystyń barlyq aýdandarynda jinalystar ótkizilip, aýdan basshylary men jaýapty kýratorlardyń jumystary tyńdaldy.
"Aita ketý qajet, qabyldanǵan sharalardyń alǵashqy nátijeleri baiqalýda. Aǵymdaǵy jyly oblysta jumys istep turǵan kásipkerlik sýbektiler 11 paiyzǵa kóbeidi. Atalǵan kórsetkish boiynsha Qyzylorda oblysy aimaqtar arasynda kósh bastap tur»,-dedi oblys ákimi.
Memlekettik-jekemenshik áriptestik negizinde Qyzylorda oblysynda 30 mlrd. teńgeden astam qarjyǵa 73 joba júzege asyrylýda.
"Aimaqty damytý baǵdarlamasynda oblystyń áleýmettik-ekonomikalyq damý qarqynyn sipattaityn jyldyń sońyna deiin qol jetkizýge tiis 121 indikator qaralǵanyn aitqym keledi. Barlyq osy san-alýan jumystyń nátijelerin qorytyndylaityn eń negizgisi, bul óńirlik ónimniń fizikalyq kóleminiń indeksi bolyp tabylady. Ony 100,4% -ǵa jetkizý - 2018 jylǵa mindet", - dedi birinshi jartyjyldyqty qorytyndylaǵan aimaq basshysy.
