Syn-tegeýirinder memlekettiń ál-aýqaty úshin qaýipti bola túsýde. Bul týraly Qazaqstan halqy Assambleiasynyń HIH sessiiasynda QR Prezidenti Qasym-Jomart Toqaev aitty, dep habarlaidy QazAqparat.
«Jahandyq álem qarqyndy túrde ózgeriske ushyrap, teńdessiz transformatsiia kezeńine tap boldy. Saiasat pen ekonomikada, qoǵamdyq ómir men tehnologiialyq damýda múldem jańa shynaiylyq týyndap keledi. Jer sharynyń túrli óńirinde dini alaýyzdyq ýshyǵyp, ksenofobiialyq kóńil-kúi baiqalyp otyr», - dedi QR Prezidenti.
Memleket basshysynyń atap ótýinshe, bul syn-tegeýirinder memlekettik ál-aýqat úshin ásirese koronavirýstyń jappai taralýy jaǵdaiynda barynsha qaýipti bola túsýde.
«Álemdegi geosaiasi turaqsyzdyq aiasynda Qazaqstan beriktiktiń naqty qoryna ielik etip otyr. Bul - halyqtyń kelisimi men birligi, bul - ekonomikamyzdyń áleýeti. Elbasy qalyptastyrǵan qarjylyq múmkindikterge, qarjylyq áleýetke arqa súiei otyryp, úkimet adamdardyń óte úlken sanyna – 4,5 millionnan astam adamǵa teńdessiz materialdyq kómek kórsete aldy», - dedi Qasym-Jomart Toqaev.
