Sybailas jemqorlyqqa qarsy is-qimyl ulttyq biýrosy mádeniet jáne sport ministri Arystanbek Muhamediulyn aiyptaityn beinekórinis paida bolǵannan keiin jaǵdaidyń mán-jaiyn anyqtaýda, dep habarlaidy "Qazaqstan jańalyqtary" vedomstvonyń baspasóz qyzmetine silteme jasap.
"Qazir anyqtaý protsesi júrýde, ázirge bul máselege qatysty túsinik bere almaimyz", — dedi ulttyq biýronyń basapsóz qyzmetinde.
Jeksenbi, 9 qazanda Youtube arnasynda ózin "T.Júrgenov atyndaǵy óner akademiiasynyń burynǵy túlegimin" dep tanystyrǵan Eńlik Sydyqova Arystanbek Muhamediulyn "qyryndady hám orynsyz usynys jasady" dep aiyptady. Taratylǵan beine úndeýde Sydyqova 2011-2015 jyldary QazUÓA–da "mýzyka teatrynyń aktrisasy" mamandyǵy boiynsha bilim alǵandyǵyn baiandaidy. Ol joǵarǵy oqý ornyna túspek bolǵan, alaida emtihanǵa keshigip qalǵan. Sol kezderi joǵary oqý orynnyń rektory bolǵan Muhamediuly Syzdyqovamen kezdesip (onyń sózine sensek), máseleni úsh myń dollarmen sheshýdi usynǵan. Odan keiin qyzdan qaida jáne kimmen turatynyn surai bastaǵan.
"Sodan keiin, ol: "Sen menimen qonaqqa barasyń ba, sharap iship, bi bilep, kóńil kóteremiz", — dedi", — deidi. Ol bul usynystan da bas tartqan, biraq ýniversitetke oqýǵa túsken. Buryn bul týraly aitýǵa qoryqqandyǵyn da jetkizdi.
Dúisenbi kúni ministrlik bul máselege qatysty túsinik berdi. Eńlik Sydyqovanyń málimdemesin Muhamediuly "jala jabý" dep qabyldaitynyn aitty. Sondai-aq óz abyroiy men namysyn zań júzinde qorǵaitynyn eskertti.
"Beine úndeý jasaǵan qyzǵa advokattarmen keńesken jón. Qylmystyq kodekste azamattardy osyndai dálelsiz aiyptaýlardan qorǵaityn norma bar. Bul "jala jabý" týraly bap. Men zańgerlerimnen osy beineni zerdelep, jaýapty quqyqtyq sharalar qoldanýdy suraimyn", — deidi ministr.
Bul Arystanbek Muhamediulyn alǵashqy atyshýly aiyptaý emes. Qazaqstandyq rejisser Talǵat Jánibekov "mádeniet ministrligi men Muhamediuly "Feniks" filminiń túsirilimin qarjylandyrýǵa "para" talap etti" dep aiyptaǵan. Mádeniet jáne sport ministriliginiń basshysy aiyptaýlardan bas taryp, rejisserdi sotqa berdi. Bul másele boiynsha ministrge qatysty is qylmys quramynyń bolmaýyna bailanysty toqtatyldy.
