Foto: pexels.com
Qazaqstanda 2024 jylǵy 2 mamyrdaǵy el aýmaǵynan suiytylǵan munai gazyn avtomobil jáne temirjol kóligimen áketýge alty ai merzimge tyiym salynǵan, endi bul tyiym taǵy 6 aiǵa uzarady, dep habarlaidy Ult.kz.
Bul tyiym Eldiń ishki naryqty suiytylǵan gazben qamtamasyz etý maqsatynda salynǵan.
Búgingi tańda QR Energetika ministrligi atalǵan sharany taǵy 6 aiǵa uzartý josparlanyp otyr. Tiisti buiryq jobasy "Ashyq NQA" portalyna ornalastyryldy.
Tek mynadai jaǵdaida tyiym kúshi bolmaidy:
- 1) ónimdi bólý týraly kelisim (kelisimshart) ne Qazaqstan Respýblikasynyń Prezidenti bekitken jer qoinaýyn paidalanýǵa arnalǵan kelisimshart sheńberinde óndirýdi júzege asyrǵan, "Salyq jáne biýdjetke tólenetin basqa da mindetti tólemder týraly" Qazaqstan Respýblikasy Kodeksiniń (Salyq kodeksi) 722-babynyń 1-tarmaǵyna sáikes salyq rejiminiń turaqtylyǵyna ie jer qoinaýyn paidalanýshylardyń áketýin;
- 2) Qazaqstan Respýblikasynyń halyqaralyq sharttary negizinde Qarashyǵanaq ken ornynda óndirilgen qazaqstandyq shikizattan jasalǵan (óńdelgen) taýarlardy áketýdi;
- 3) Qazaqstan Respýblikasynyń sheginen tys jerde bastalatyn jáne aiaqtalatyn ótkiziletin tranzittik tasymaldy.
Aita keteiik, buiryq bekitilgen jaǵdaida suiytylǵan munai gazyn áketýge tyiym salý 2024 jyldyń 14 qarashasynan bastap qoldanysqa enedi.
