Suiytylǵan gazdyń búgingi naryqtaǵy baǵasyn jyl sońyna deiin saqtap qalý josparlanyp otyr. Bul týraly qaýlyny Básekelestikti qorǵaý jáne damytý agenttigi «Ashyq NQA» saitynda talqyǵa shyǵardy, dep habarlaidy QazAqparat.
«Buǵan deiin shekteý qoiǵan buiryqtyń merzimi 2022 jyly shildede aiaqtalady. Suiytylǵan munai gaz naryǵynyń bólshek segmentinde erkin baǵa belgileý engizilse, baǵanyń kúrt ósýi men qoǵamda áleýmettik shielenistiń paida bolý qaýpi bar. Osyǵan bailanysty, Básekelestikti qorǵaý jáne damytý agenttigi jyl sońyna deiin suiytylǵan munai gaz baǵasyn qazirgi mólsherde qaldyrýdy usyndy», - delingen qaýlyda.
Agenttik málimetinshe, qazirgi ýaqytta zań Memleket basshysyna qol qoiýǵa jiberilgen.
Nur-Sultan, Almaty qalalary men Aqmola, Qostanai, Qaraǵandy, Pavlodar, Soltústik Qazaqstan, Jetisý, Ulytaý jáne Almaty oblystarynda qazir kólik gazynyń baǵasy litrine – 70-75 teńge kóleminde.
Al, Shymkent qalasy men Shyǵys Qazaqstan, Jambyl, Batys Qazaqstan, Qyzylorda, Túrkistan jáne Abai oblystarynda – 60-65 teńge mólsherinde.
Eń tómengi baǵa Aqtóbe, Atyraý jáne Mańǵystaý oblystarynda. Onda litri – 50-55 teńge turady.
Eske sala keteiik, jyl basynda Úkimet sheshimimen elimizde gaz baǵasyna 180 kúndik moratorii jariialanǵan bolatyn. Oǵan sai, suiytylǵan otynnyń eń joǵary quny litrine 70-75 teńge bolyp bekitildi.
