Qazaqstanda suiytylǵan gazdyń baǵasyn ýaqytsha retteý toqtatylady. Bul týraly Energetika ministrliginiń baspasóz qyzmeti habarlady.
QR Prezidenti janyndaǵy Tótenshe jaǵdai rejimin qamtamasyz etý jónindegi memlekettik komissiia otyrysynyń 2020 jylǵy 30 naýryzdaǵy hattamasynyń 8.2-tarmaǵyna sáikes Energetika ministrligine Ulttyq ekonomika ministrligimen jáne Ádilet ministrligimen birlesip, avtogaz quiý stantsiialarynda avtokólikterge quiýǵa arnalǵan suiytylǵan munai gazyn ótkizýge ýaqytsha memlekettik baǵa retteýdi engizý boiynsha sharalar qabyldaý tapsyryldy.
Osylaisha, «Avtogaz quiý stantsiialarynda avtokólikke quiýǵa arnalǵan suiytylǵan munai gazyn bólshek saýdada ótkizýdiń shekti baǵalaryn belgileý týraly» buiryq qabyldanyp, 2020 jylǵy 3 sáýirde Ádilet ministrliginde № 20293 bolyp tirkelgen.
Buiryq avtogaz quiý stantsiialarynda avtokólikke quiýǵa arnalǵan suiytylǵan munai gazyn ótkizýge ýaqytsha memlekettik baǵalyq retteý sheńberinde qabyldanǵandyqtan, sondai-aq kásipkerlik qyzmetti qoldaý maqsatynda «Avtogaz quiý stantsiialarynda avtokólikke quiýǵa arnalǵan suiytylǵan munai gazyn bólshek saýdada ótkizýdiń shekti baǵalaryn belgileý týraly» Qazaqstan Respýblikasy Energetika ministriniń 2020 jylǵy 3 sáýirdegi № 125 jáne Qazaqstan Respýblikasy Ulttyq ekonomika ministriniń 2020 jylǵy 3 sáýirdegi № 22 birlesken buiryǵyna ózgeris engizý týraly» QR Energetika ministriniń 2021 jylǵy 23 aqpandaǵy № 61 buiryǵy qabyldanyp, ádilet organdarynda tirkeldi.
«Atameken» UKP salalyq qaýymdastyqtarmen birlesip, kásipkerlerdi qoldaý maqsatynda memlekettik organdarǵa buiryqtyń qoldanylý merzimin anyqtaý boiynsha birneshe ret usynys jasaǵan bolatyn. Buiryqtyń qoldanylý merzimi uzartylǵan jaǵdaida, kásipkerler qyzmetkerleriniń qysqarý táýekeli týyndaýda.
Osy buiryqqa sáikes buiryqtyń sońǵy merzimi 2021 jyldyń 1 naýryzyna deiin belgilendi.
