QR Energetika ministrligi gaz jáne munai-gaz-himiia departamentiniń direktory Qýanysh Sársekeev suiytylǵan munai gazy baǵasyn memlekettik retteý ne úshin toqtatylǵanyn aityp berdi, dep habarlaidy "Ult aqparat".
2021 jyldyń birinshi toqsanyna vedomstvo suiytylǵan munai gazynyń kóterme baǵasyn QQS-syz 38 701 teńge/tonna deńgeiinde bekitken (baǵalar 2018 jylǵy 1 qańtardan beri ózgermegen).
2020 jyly da baǵa qosymsha qun salyǵynsyz 38 701 teńge/tonna bolǵan, al 3 toqsannan bastap – suiytylǵan gazdyń álemdik baǵasy tómendep, QQS-syz 28 myń teńge/tonna bolǵan.
Qazaqstanda 1 naýryzdan bastap avtogaz quiý stantsiialarynda suiytylǵan munai gazynyń bólshek saýda baǵasyn ýaqytsha memlekettik retteý alynyp tastaldy.
«Atameken» UKP men salalyq qaýymdastyqtar birneshe ret memlekettik organdarǵa buiryqtyń kúshinde bolý merzimin shekteý týraly ótinish bildirdi. Ony uzartqan jaǵdaida kásipkerlerde shtat pen qyzmetkerlerdiń jalaqysyn qysqartý qaýpi týyndar edi. Sondai-aq keibir óńirlerde belgilengen tómen baǵalar gaz kólemi qymbattaý basqa óńirlerge aǵylýyna yqpal etýi múmkin, bul óńirlerde suiytylǵan munai-gaz tapshylyǵyn týdyrýy múmkin edi», - deidi Q. Sársekeev Ortalyq kommýnikatsiialar qyzmetinde ótken baspasóz máslihatynda.
Buǵan deiin kóktemgi dala jumystaryna 380 myń tonna dizel jeńildikpen beriletini habarlanǵan edi.
