Foto: © Sputnik / Ilia Pitalev
Oralda 13 jasar jetkinshekti qańǵybas it qaýyp aldy, dep habarlaidy Sputnik Qazaqstan agenttigi "Moi gorod" portalyna silteme jasap.
Qyzdyń anasynyń aitýynsha, oqiǵa 31 mamyrda bolǵan. Qabaǵan it kópqabatty úidiń aýlasynda birneshe jyldan beri mekendeitin kórinedi.
"It qyzymnyń aiaǵyn tistep qana qoimai, etin julyp alǵan. Tipti súiegi kórinip qalǵan. Qazir qyzymnyń jaǵdaiy jaqsardy, jarasy birtindep jazylyp keledi. Biraq aiaǵy buryńǵydai bolýy úshin bolashaqta estetikalyq ota jasalý kerek", - deidi jábirlenýshiniń anasy.
Aýlada oinap júrgen balalar ittiń kúshikterimen oinamaq bolǵan. Balasyn qyzǵanǵan it qyzdyń aiaǵynan qaýyp alǵan. Al aýla turǵyndary bolsa, qańǵybas itten mezi bolǵandaryn aitady.
"Biz tańerteń kelsek te, kúni boiy ańdysaq ta tappaimyz. Janýar aqyldy, bárin sezedi, ustatpai qashyp ketedi. Janýardy ustaǵan kezde zań boiynsha 10 kún karantinge jiberemiz, sodan keiin ony qaitadan tirshilik etý ortasyna jiberemiz. Tek komissiianyń sheshimimen ǵana ony uiyqtata alamyz, onda da janýar agressivti bolsa", — deidi Oral qalalyq veterinarlyq stantsiiasynyń direktory Madiiar Ahmetov.
Aitpaqshy, biyl Oralda myńnan astam it ustalyp, zararsyzdandyryldy.
