Braziliiada ótip jatqan sýrdlimpiada oiyndarynda taekvandodan jarystar aiaqtaldy. Ulttyq qurama kapitany, 58 kelide synǵa túsken Aian Ábdirash qola júldeni jeńip aldy, dep habarlaidy QazAqparat QR Mádeniet jáne sport ministrligine silteme jasap.
Sondai-aq, 68 kelide el namysyn qorǵaǵan Nurdáýlet Jaqyp pen +80 kelide Frýndin Viktor da úshinshi orynǵa turaqtap, qola medal iegerleri atandy.
Al, iadro laqtyrýdan Olga Hijniakova Qazaqstan qorjynyna úshinshi kúmis júldeni saldy. Sportshymyz 12.32 m nátijesimen ekinshi orynǵa turaqtady. Birinshi oryndy Ýkraina sportshysy jeńip alsa, úzdik úshtikti Kolýmbiia ókili qorytyndylady.
Sonymen qatar, jeńil atletikadan Farhat Qystaýbaev kedergilermen júgirýden qola júldeni ielense, Raýshan Beisebai syryqpen sekirýden úzdik úshtik qatarynan kórindi. Al, Olga Hijniakova balǵa laqtyrýdan taǵy bir qola júldeni jeńip aldy.
Sonymen, Qazaqstan qorjynynda 3 kúmis, 15 qola júlde bar.
Braziliianyń Kashias-dý-sýl qalasynda jazǵy Sýrdalimpiadanyń saltanatty ashylý rásimi ótkenin habarlaǵan bolatynbyz. Bairaqty básekede álemniń 100 elinen 3500 sportshy baq synap jatyr.
