Nur-Sultan qalasynda XXIV sýrdlimpiada Qazaqstan namysyn qorǵap, jeńimpaz atanǵan sportshylar marapattaldy, dep habarlaidy QazAqparat tilshisi.
«Sýrdlimpiada oiyndarynda bizdiń oiynshylar jaqsy oiyn kórsetti. Maqtanyshpen aitýǵa bolady. Barlyǵy 28 medal qorjynda, onyń ishinde 3 altyn, 7 kúmis jáne 18 qola bar. Búgin jeńimpazdardy marapattaý saltanatyn ótkizip jatyrmyz. XXIV sýrdlimpiadaǵa elimizden 100-ge jýyq sportshy qatysty. Qazaqstan bul básekege osymen jetinshi ret qatysyp otyr. Aldaǵy ýaqytta sýrdlimpiadada el namysyn qorǵaityn sportshy kóbeie túsedi degen oidamyn», - dedi QR Mádeniet jáne sport ministrligi sport jáne dene shynyqtyrý isteri komitetiniń tóraǵasy Samat Erǵaliev.
Vitse-ministrdiń aitýynsha, qazaqstandyqtar XXIV sýrdlimpiadaǵa sporttyń 8 túrinen qatysty.
«Sýrdlimpiada sportshylaryn keńinen nasihattaý kerek. Erekshe sportshylarymyz qol-aiaǵy saý sportshylarmen birdei el namysyn qorǵap júr. Sporttyń qai túrinen jetistikke jetse de, memleket tarapynan bárine birdei qarjylai syiaqy qarastyrylǵan», - deidi ol.
Ministr orynbasarynyń málimetinshe, XXIV sýrdlimpiadada 1 oryn alǵan sportshyǵa 250 myń AQSh dollary kóleminde syiaqy beriledi.
2 orynǵa - 150 myń dollar, al 3 oryn ielengen sportshyǵa - 75 myń dollar syiaqy tabystalady.
Odan bólek, jeńimpaz bolǵan sportshyǵa 3 bólmeli páter, 2 oryn ielense 2 bólmeli, al 3 orynǵa turaqtaǵan oiynshyǵa 1 bólmeli páter beriledi.
Atalǵan saltanatty sharada sportshylardan bólek jattyqtyrýshylar da syi-marapatqa ie boldy.
Aita ketsek, XXIV sýrdlimpia oiyndary biyl 1-15 mamyr aralyǵynda Braziliianyń Kashias-de-Sýl qalasynda ótti.
