Úndistannyń shyǵysyndaǵy Odisha jáne Batys Bengaliianyń jaǵalaýdaǵy aýmaqtaryna «Iaas» tsiklony jaqyndaýy sebebimen ol jerden shamamen 3,5 mln jýyq adam qaýipsiz jerge shyǵaryldy. Bul týraly NDTV telearnasy habarlady.
Telearnanyń málimetinshe, Odishada 3 mln jýyq adam, al Batys Bengaliiada jarty milliondai adam úilerinen ketýge májbúr bolǵan. Turǵyndar alapat tropikalyq quiyn jyljyp kele jatqan aýmaqtardan ketip jatyr.
Úndistannyń ulttyq meteorologiialyq qyzmetiniń boljamyna sáikes, «óte qatań tsiklon» dárejesin alǵan «Iaas» aldaǵy saǵattarda Paradip qalasy men Sagar araldarynyń arasyndaǵy jaǵalaýǵa alǵashqy soqqysyn tigizedi.
Bengal shyǵanaǵy jaqtan jyljyp kele jatqan tsiklon ózimen birge qatty nóser jaýyn men jyldamdyǵy sekýndyna 51,3 m/s deiin jetetin daýyldy jel ákeledi.
Balyqshylarǵa teńizge shyqpaý keńes etilgen. Batys Bengaliia astanasy Kalkýtta qalasynyń áýejaiynda ushý toqtatyldy. El biligi aýrýhanalar men densaýlyq saqtaý uiymdaryna mekemelerdiń úzdiksiz elektr energiiasy men meditsinalyq ottegimen qamtylýy úshin sharalar qoldanýdy keńes etti.
