Osydan jarty jyl buryn E.Ómirzaqov atyndaǵy Qostanai oblystyq filarmoniiasynyń bastyǵy bolyp taǵaiyndalǵan Súndet Baiǵojin óz erkimen qyzmetinen ketti, dep habarlaidy "Ult aqparat".
Ótken jyldyń qyrkúiek aiynda týǵan jerine kelgen Súndet Baiǵojin Qostanaidaǵy oblystyq filarmoniiany basqardy. Búgin «Astana Operanyń» burynǵy solisiniń bul qyzmetten óz erkimen ketkendigi belgili boldy.
Aita keteiik, jýyqta áleýmettik jelilerde jáne jergilikti buqaralyq aqparat quraldarynda S.Baiǵojinniń ketýine filarmoniia ujymynyń keibir múshelerimen ortaq til tappaýy sebep bolýy múmkin degen jazbalar men materialdar jariialana bastaǵan edi.
Osyǵan bailanysty oblystyq Mádeniet basqarmasynyń basshysy Erlan Qalmaqov arnaiy ótkizilgen brifing barysynda málimdeme jasady.
«Súndet Ábdirahmanuly - Qazaqstanda ǵana emes, basqa elderde de tanymal tulǵa. Ol óte daryndy, bedeldi jáne tájiribeli adam. Onyń bul qasietteri jáne kásibi sheberligi qoǵam tarapynan árqashan joǵary baǵalanyp keledi. Álbette, S.Baiǵojinniń jumystan shyǵýyna ne túrtki bolǵandyǵy týraly santúrli oi týyndaýy múmkin. Biraq osyndai tanymal adamdy aryz jazdyrýǵa eshkim májbúrlei almaityndyǵy anyq. Ekinshiden, onyń shyǵarmashylyqpen ainalysatynyn umytpaǵan jón. Qazirdiń ózinde ol elordadaǵy televiziialyq jobanyń túsirilimine qatysýda», - dedi ol.
12 naýryzda filormoniia ujymynyń bir top ókili «Súndet Baiǵojindi qaitaryńyzdar» dep jazylǵan plakattarmen mekeme aldyna shyqqan. Sondai-aq oblys ákimi Arhimed Muhambetovke ujymdyq úndeý jazylǵandyǵy belgili boldy. E.Qalmaqovtyń aitýynsha, bul úndeý qoldanystaǵy zańnama aiasynda qaralalady.
