وسىدان جارتى جىل بۇرىن ە.ٶمٸرزاقوۆ اتىنداعى قوستاناي وبلىستىق فيلارمونيياسىنىڭ باستىعى بولىپ تاعايىندالعان سٷندەت بايعوجين ٶز ەركٸمەن قىزمەتٸنەن كەتتٸ, دەپ حابارلايدى "ۇلت اقپارات".
ٶتكەن جىلدىڭ قىركٷيەك ايىندا تۋعان جەرٸنە كەلگەن سٷندەت بايعوجين قوستانايداعى وبلىستىق فيلارمونييانى باسقاردى. بٷگٸن «استانا وپەرانىڭ» بۇرىنعى سوليسٸنٸڭ بۇل قىزمەتتەن ٶز ەركٸمەن كەتكەندٸگٸ بەلگٸلٸ بولدى.
ايتا كەتەيٸك, جۋىقتا ەلەۋمەتتٸك جەلٸلەردە جەنە جەرگٸلٸكتٸ بۇقارالىق اقپارات قۇرالدارىندا س.بايعوجيننٸڭ كەتۋٸنە فيلارمونييا ۇجىمىنىڭ كەيبٸر مٷشەلەرٸمەن ورتاق تٸل تاپپاۋى سەبەپ بولۋى مٷمكٸن دەگەن جازبالار مەن ماتەريالدار جارييالانا باستاعان ەدٸ.
وسىعان بايلانىستى وبلىستىق مەدەنيەت باسقارماسىنىڭ باسشىسى ەرلان قالماقوۆ ارنايى ٶتكٸزٸلگەن بريفينگ بارىسىندا مەلٸمدەمە جاسادى.
«سٷندەت ەبدٸراحمانۇلى - قازاقستاندا عانا ەمەس, باسقا ەلدەردە دە تانىمال تۇلعا. ول ٶتە دارىندى, بەدەلدٸ جەنە تەجٸريبەلٸ ادام. ونىڭ بۇل قاسيەتتەرٸ جەنە كەسٸبي شەبەرلٸگٸ قوعام تاراپىنان ەرقاشان جوعارى باعالانىپ كەلەدٸ. ەلبەتتە, س.بايعوجيننٸڭ جۇمىستان شىعۋىنا نە تٷرتكٸ بولعاندىعى تۋرالى سانتٷرلٸ وي تۋىنداۋى مٷمكٸن. بٸراق وسىنداي تانىمال ادامدى ارىز جازدىرۋعا ەشكٸم مەجبٷرلەي المايتىندىعى انىق. ەكٸنشٸدەن, ونىڭ شىعارماشىلىقپەن اينالىساتىنىن ۇمىتپاعان جٶن. قازٸردٸڭ ٶزٸندە ول ەلورداداعى تەلەۆيزييالىق جوبانىڭ تٷسٸرٸلٸمٸنە قاتىسۋدا», - دەدٸ ول.
12 ناۋرىزدا فيلورمونييا ۇجىمىنىڭ بٸر توپ ٶكٸلٸ «سٷندەت بايعوجيندٸ قايتارىڭىزدار» دەپ جازىلعان پلاكاتتارمەن مەكەمە الدىنا شىققان. سونداي-اق وبلىس ەكٸمٸ ارحيمەد مۇحامبەتوۆكە ۇجىمدىق ٷندەۋ جازىلعاندىعى بەلگٸلٸ بولدى. ە.قالماقوۆتىڭ ايتۋىنشا, بۇل ٷندەۋ قولدانىستاعى زاڭناما اياسىندا قارالالادى.
