Serik Jumanǵarin Premer-ministrdiń orynbasary - Saýda jáne integratsiia ministriniń mindetterin atqarýshy bolyp taǵaiyndaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Serik Maqashuly Jumanǵarin Qazaqstan Respýblikasy Premer-ministriniń orynbasary – Saýda jáne integratsiia ministriniń mindetterin atqarýshy bolyp taǵaiyndalsyn, ol Qazaqstan Respýblikasynyń Básekelestikti qorǵaý jáne damytý agenttiginiń tóraǵasy laýazymynan bosatylsyn", - delingen habarlamada.
Buǵan deiin osy qyzmetti atqarǵan Baqyt Sultanov Prezident Jarlyǵymen ornyn bosatqan edi.
Eske sala keteiik, 14 shildede Memleket basshysy Qasym-Jomart Toqaev Qazaqstandaǵy qant daǵdarysyna bailanysty ministrler Baqyt Sultanov pen Erbol Qarashókeevke sógis jariialaǵan bolatyn.
12 tamyzda Qazaqstanda óndiriletin qanttyń basym bóligin (shamamen 90%) iri kóterme jetkizýshi satyp alǵany belgili boldy. Onyń áreketi taýardyń ainalymnan alynýynyń belgisi retinde baǵalanyp, sonyń saldarynan naryqtaǵy baǵa ósti. Elde qant baǵasy bir jylda 87 paiyzǵa qymbattady.
Básekelestikti qorǵaý jáne damytý agenttiginiń málimetinshe, óndirýshiden tutynýshyǵa deiin qanttyń ústeme baǵasy 53 paiyzǵa jetedi.
