Búgin Premer-Ministr Baqytjan Saǵyntaevtyń tóraǵalyǵymen ótken QR Úkimetiniń otyrysynda jekeshelendirý júrgizý barysy qaraldy, dep habarlaidy "Ult aqparat" primeminister.kz saityna silteme jasap.
Qarjy ministri Baqyt Sultanov osy jyldyń I toqsanyndaǵy Jekeshelendirýdiń keshendi josparyn oryndaý nátijeleri týraly baiandady. Onyń aitýynsha, qazirgi tańda memlekettik múlik tiziliminiń veb-portaly 2016–2020 jyldarǵa arnalǵan Jekeshelendirýdiń keshendi josparynyń 877 nysany boiynsha tolyq aqparatty qamtidy.
«Ótken kezeńde Jekeshelendirýdiń keshendi jospary boiynsha 482 nysan satylymǵa shyǵarylyp, onyń 397-si satyldy. Satý baǵasy 199 mlrd teńgeni qurady. Budan ózge, 274 nysan qaita uiymdastyrý jáne taratý satysynda tur. Osylaisha, búginde qaita uiymdastyrylatyn jáne taratylatyn nysandardy qosa eseptegende, Jekeshelendirýdiń keshendi josparynyń oryndalýy 76% quraidy», — dedi Baqyt Sultanov.
Biyl 265 nysandy ótkizý kózdelgen, onyń ishinde I toqsanda — 40 nysan. Qarjy ministrliginiń málimetine sáikes, toqsan qorytyndysy boiynsha 45 nysan satylymǵa shyǵarylyp, olardyń ishinen 19 mlrd teńge somasyna 20-sy satyldy. 10 nysan boiynsha taratý týraly sheshim qabyldandy.
Jalpy jekeshelendirýge jatatyn 71 top nysannyń búginde 13-i satyldy. Satý baǵasy 95 mlrd teńgeni qurady. «Samuryq-Qazyna» ulttyq ál-aýqat qorynyń 7 nysanyn bas kompaniianyń quramynda «pakettik» satý týraly sheshim qabyldandy. Biyl 40 top nysandy ótkizý josparlanyp otyr.
Premer-Ministr Baqytjan Saǵyntaevtyń 16.01.2018 jylǵy QR Úkimetiniń otyrysynda jekeshelendirý úrdisin baiaýlatatyn buzýshylyqtardy joiý boiynsha bergen tapsyrmalaryn oryndaý aiasynda osy buzýshylyqtar týraly aqparat buqaralyq aqparat quraldarynyń internet-saittarynda jariialandy. Sonymen qatar, memlekettik múlik tiziliminiń veb-portalyndaǵy «Jekeshelendirýdiń ekinshi tolqyny» atty bannerde kemshilikterge jol bergen obektiler men satýshylardy kórsetetin bólek qyzyl jolaq jasaldy.
Budan ózge, QR UEM-ge «Memlekettik múlik týraly» zańǵa jekeshelendirý protsesin jaqsartatyn birqatar túzetýler usynyldy.
«Jalpy alǵanda, jekeshelendirý protsesi birqalypty turaqty júiede júrgizilýde, mindetter men maqsattar aiqyndalǵan. Óz kezeginde Qarjy ministrligi monitoringtiń elektrondyq júiesi arqyly jekeshelendirý protsesine turaqty baqylaý júrgizýde jáne qajet bolǵan jaǵdaida tiisti sharalar qabyldanady», — dep qorytyndylady Baqyt Sultanov.
Óz kezeginde Ulttyq ekonomika ministri Timýr Súleimenov Jekeshelendirýdiń keshendi josparyn júzege asyrýdyń tiimdiligin arttyrýǵa baǵyttalǵan usynystarǵa toqtaldy. Bul jekeshelendirýden keiingi baqylaýdy kúsheitý, birinshi satylymda bir qatysýshyǵa bastapqy baǵadan tómen emes jekeshelendirý obektilerin satý quqyǵyn berý turǵysynan «Memlekettik múlik týraly» Zańǵa ózgerister engizý, MJÁ tetikterin paidalana otyryp, jeke sektorǵa respýblikalyq jáne kvazimemlekettik menshiktiń áleýmettik obektilerin berý múmkindigi.
«Memleket basshysynyń tapsyrmasyna sáikes biylǵy Joldaý aiasynda memlekettik jáne kvazimemlekettik sektor obektilerin túgendeý jumystary jalǵasýda. Atalǵan jumystyń nátijeleri 2018 jylǵy tamyz aiynda usynylyp, Keshendi jospardyń obektiler tizimi jańartylatyn bolady», — dep túiindedi Timýr Súleimenov.
«Samuryq-Qazyna» qorynyń Jekeshelendirýdiń keshendi jospary aiasynda atqarǵan jumystary týraly Qordyń basqarma tóraǵasynyń orynbasary Alik Aidarbaev aityp berdi.
Onyń aitýynsha, QR Úkimetiniń qaýlysyn iske asyrý aiasynda Qor 214 aktivti satýdy josparlap otyr, onyń ishinde osy jyldyń 1 sáýirindegi jaǵdai boiynsha 122,88 mlrd teńgege 76 aktiv satylyp, 64 aktiv taratý nemese qaita uiymdastyrýǵa berildi.
2018 jyldyń sońyna deiin 61 aktivti satý josparlanyp otyr. Olardyń 11-i jyl basynan beri satyldy, 16 aktiv boiynsha kelisimsharttar jasalýda. Taǵy 16 memlekettik komissiiadan ótip, satýǵa qoiyldy, 18 — memlekettik komissiiadan ótýge ázirlendi.
Nátijesinde, 2018 jyldyń sońyna deiin qor quramyndaǵy kəsiporyndardyń sany 300-ge deiin qysqartylýy tiis. 2020 jylǵa deiin 7 iri aktivti iske asyrý («Qazaqtelekom», «Qazatomónerkásip», «Eir Astana», «QazMunaigaz», «Samuryq-Energo», «Qazposhta» jáne «QTJ») kózdelgen, olardyń 3-i IPO / SPO mámilelerine daiyndalýda («Qazaqtelekom», «Qazatomónerkásip», «Eir Astana»).
«Báiterek» UBH nysandaryn satý týraly basqarma tóraǵasy Aidar Áriphanov baiandady. Búgingi tańda Jekeshelendirýdiń keshendi josparyna kiretin 17 holdingtiń 5-i jeke investorlarǵa satylyp, 6 kompaniia taratylýda. Qalǵan 6 aktiv boiynsha kelissózder júrgizilýde.
«QazAgro» ulttyq basqarma holdinginiń basqarma tóraǵasy Nurlybek Málelov nysandardy ótkizý aiasynda «QazAgro» kompaniiasynyń 3 enshiles jáne 18 úlestes kompaniiasyn básekelestik ortaǵa berý kózdelgenin atap ótti.
«2018 jyly strategiialyq investorlarǵa Top-68 tiziminen 3 aktivti iske asyrýǵa berý josparlanǵan», — dedi Nurlybek Málelov.
Máseleni qaraý barysynda Soltústik Qazaqstan oblysynyń ákimi Q. Aqsaqalov, Aqmola oblysynyń ákimi M. Myrzalin, Astana qalasynyń ákimi Á. Isekeshev sóz sóiledi.
