Premer-ministrdiń orynbasary - saýda jáne integratsiia ministri Baqyt Sultanov 14 shildede úkimet otyrysynda Prezident Qasym-Jomart Toqaevtyń sógisinen keiingi vedomstvo jumysy týraly aitty, - dep habarlaidy Tengrinews.kz.
"Naryq sýbektileriniń naqty baǵalary týraly halyqty jáne biznesti barynsha aqparattandyrý, sondai-aq bólshek saýda jelileriniń, óndirýshiler men jetkizýshilerdiń tiimdiligin qamtamasyz etý qaralady. Ekinshi jaǵynan, áleýmettik mańyzy bar ónimderdiń jalpy ainalymyndaǵy "ainalym shemasyn" qarjylandyrýdyń qazirgi kólemi nebári - 4 paiyz. Sondyqtan, ol naryqqa jetkilikti túrde áser ete almaidy", - dedi Sultanov.
Vitse-premer qarajat qozǵalysynyń ashyqtyǵy men tiimdiligi artqan saiyn qarjylandyrý kólemi de kezeń-kezeńimen ulǵaia túsetinin qosty.
Sonymen qatar, Sultanov negizgi taýarlar balansyn qalyptastyrýdyń biryńǵai aqparattyq júiesin damytý týraly aitty.
"Aýyl sharýashylyǵy ministrligimen birlese otyryp, azyq-túlik qaýipsizdigi baǵdarlamasy ázirlenedi. Baǵdarlama sýbsidiialaý tásilderin qarastyrady jáne ishki naryqty toltyrý boiynsha taýar óndirýshilerdiń ózara mindettemelerin qamtamasyz etý bóliginde salany qoldaýdyń basqa da sharalaryn qarastyrady", - dep túsindirdi ol.
Mamyrda Bas prokýratýra 122 bazardy tekserýdi aiaqtady, dep eske saldy premer-ministrdiń orynbasary.
"Olardyń qorytyndysy boiynsha birqatar júieli problema anyqtaldy. Bas prokýratýramen, múddeli memlekettik jáne jergilikti atqarýshy organdarmen birlesip zańnamalyq normalar ázirlendi", - dedi Sultanov.
Ol normalar kelesi baǵyttar boiynsha naryqtardy odan ári jańǵyrtý sharalaryn qarastyratynyn aitty:
- saýdany uiymdastyrýǵa jeke jaýapkershilikti bazar iesine júkteý;
- naryqtar úshin biliktilik jáne infraqurylymdyq talaptardy belgileý;
- otandyq taýar óndirýshilerdiń saýda oryndaryna básekege qabiletti jáne erkin qoljetkizýin qamtamasyz etetin aqparattyq júieni qurý.
Eske salaiyq, 14 shildede Úkimettiń keńeitilgen otyrysynda Qasym-Jomart Toqaev ekologiia ministri Serikqali Brekeshevke jáne premer-ministrdiń orynbasary - saýda jáne integratsiia ministri Baqyt Sultanovqa, aýyl sharýashylyǵy ministri Erbol Qarashókeevke sógis jariialaǵan bolatyn.
