Búgin Úkimet otyrysynda Prezidenttiń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýyn iske asyrý jónindegi jalpyulttyq is-sharalar josparynyń jobasy talqylandy. Osy oraida Ulttyq ekonomika ministri Timýr Súleimenov úsh aýysymdy mektepter máselesin sheshý úshin kelesi jyldan bastap mektep qurylysy bastalatynyn aitty, dep habarlaidy Baq.kz tilshisi.
QR Prezidenti Nursultan Nazarbaevtyń kezekti Joldaýynda aitylǵan turmys sapasyn arttyrý degen ekinshi mindettiń sheńberinde áleýmettik sektorǵa jáne qaýipsizdikke basa nazar aýdarýmen biýdjet sharasyn qaita qaraýǵa baǵyttalǵan 22 shara kózdelgen.
«Bilim berý salasynda oqýshylarǵa oryn tapshylyǵyn joiý úshin jáne úsh aýysymdy mektepter máselesin sheshý úshin kelesi jyly qosymsha 50 mlrd teńge qarjylandyrýmen óńirlerde mektep qurylysy bastalady. Muǵalimder men mektepke deiingi uiymdar jumyskerlerin yntalandyrý úshin kelesi jyly «Pedagogtar mártebesi týraly» zań ázirlenetin bolady. Densaýlyq saqtaý salasynda osy jyly Astanada ulttyq ǵylymi onkologiialyq ortalyǵynyń qurylysy bastalady», - dedi Súleimenov.
Ulttyq ekonomika ministri meditsina qyzmetteriniń sapasyn artyrý úshin 2019 jyly 1 qańtardan bastap emhanalar men aýrýhanalar meditsinalyq qujattamany qaǵazsyz, tsifrlyq túrde júrgizýge kóshetinin atap ótti.
«Osy sharalardyń barlyǵy halyqtyń sapasyn arttyrýdy qamtamasyz etý úshin negiz bolady», - dedi ol.
