QR Joǵary sot keńesiniń múshesi, Joǵarǵy sot sýdiasy Nurjan Joldasbekov sýdia laýazymyna arnalǵan biliktilik emtihanynyń jańa formatyn aityp berdi, dep habarlaidy QazAqparat.
«Ádildik pen senim deńgeiin arttyrý úshin biliktilik komissiiasynyń quramy da jańartylyp, oǵan sýdialar, akademiialyq jáne zańgerlik qoǵamdastyq ókilderimen qatar sheteldik sarapshylar, HR-menedjment salasynyń mamandary kirdi. Buǵan qosa, alǵash ret biliktilik komissiiasynyń tóraǵasy retinde memlekettik emes zańgerlik sektordyń ókili sailandy», - dedi ol «Sot júiesindegi kadrlyq saiasattyń bolashaǵy» atty halyqaralyq dóńgelek ústel barysynda.
Onyń aitýynsha, biliktilik emtihany aiasynda kompiýterlik testileý nátijelerine shaǵymdaný, esse jazý, keistik tapsyrmalar sheshý men áńgimelesý múmkinshilikteri qarastyrylǵan.
«Jańa ádisterdi engizý nátijesinde biliktilik emtihany búginde barynsha qatań irikteý súzgige ainaldy. Biliktilik deńgeii tómen bolǵan jaǵdaida odan ótý múmkin emes. Máselen, sýdia laýazymyna biliktilik emtihanyn sátti tapsyryp shyǵatyn tulǵalardyń sany aitarlyqtai qysqardy. Máselen, 2017-2018 jyldary eski formatpen biliktilik emtihanyn 314 tulǵanyń 93-i tapsyra alǵan. Al 2018 jyldyń qyrkúiegi men 2019 jylǵy qazan aralyǵynda 303 adam jańartylǵan tártippen tapsyryp, tek 13-i ǵana óte aldy», - dedi N.Joldasbekov.
