Foto: ©AP/Raad ADAYLEH
Qazaqstannyń úsh azamaty qaqtyǵys bolyp jatqan Sýdannan evakýatsiialandy. Bul týraly Syrtqy ister ministrliginiń resmi ókili Aibek Smadiiarov málimdedi, dep habarlaidy Sputnik Qazaqstan.
Onyń aitýynsha, Sýdanda úsh qazaqstandyq bolǵan.
"Qazir olar qaýipsiz jerde. Sýdan elinen ketti. Bir azamatymyz BUU júiesinde jumys istegen. Qazir Efiopiia astanasy Addis-Abebada. Al ekinshisi japoniialyq kompaniiada qyzmet etken. Japon diplomattarynyń kómegimen ol da elden evakýatsiialandy", - dedi Smadiiarov apta saiynǵy brifingte.
Eske salsaq, Sýdanda 15 sáýirden beri turaqty armiia men "spetsnaz" qaqtyǵysyp jatyr.
Eldegi jaǵdaiǵa bailanysty Sýdannyń áýe keńistigi 30 sáýirge deiin jabyldy.
Al Jazeera aqparatynsha, qaqtyǵys saldarynan 400-den asa adam kóz jumyp, 3,5 myńnan astamy jaralanǵan.
