Foto: Viktor Fediýnin/ Kazinform
QR Ónerkásip jáne qurylys ministrliginiń bastamasy boiynsha TsDIAÓM, Sergek Group, «UAT» AQ jáne ákimdiktermen birlesip, sý tasqynynan zardap shekkender úshin jańa turǵyn úiler salý oryndarynda beinekameralar ornatyp, beine aǵyndaryn Sergek VMS keshendi beinebaqylaý júiesine biriktirý jumystaryn júrgizdi, dep habarlaidy "Ult aqparat" Kazinform-ǵa silteme jasap.
«Biz buǵan deiin gov.kz platformasynda sý tasqynyna qarsy is-sharalar ótkiziletin oryndardan transliatsiia shyǵardyq. VMS keshendi júiesiniń kómegimen qazaqstandyqtar zardap shekkender úshin salynyp jatqan turǵyn úi qurylysynyń barysyn baqylai alady. Qazaqstandyqtardyń ómirin jaqsartý, olardyń qaýipsizdigi men aqparattandyrylýy úshin ázirlegen tehnologiialardy qoldaný - bizdiń áleýmettik jaýapkershiligimiz. Biz el úshin qiyn ýaqytta paidaly bolǵanymyzǵa qýanyshtymyz. Bizdiń qyzmetkerler óz quzyreti sheginde qajetti kómek kórsetý úshin TJ jedel shtabtarynda jáne sý basqan eldi mekenderde eńbek etýde», - dep Sergek Group bas direktory Aset Ahmetov bólisti.
Qazirgi ýaqytta Qazaqstannyń alty oblysyndaǵy (Aqmola, Aqtóbe, Batys Qazaqstan, Qostanai, Soltústik Qazaqstan jáne Atyraý oblystary) qurylys alańdaryna 55 beinekamera ornatyldy. Olardyń onlain transliatsiiasy gov.kz saitynda táýlik boiy qoljetimdi.
«Ónerkásip jáne qurylys ministrligi sý tasqynynan zardap shekken eldi mekenderde turǵyn úidi qalpyna keltirý jumystaryn baqylaý jáne úilestirý úshin ahýaldyq ortalyq qurdy. Búgingi tańda ahýaldyq ortalyq zalaldy óteý týraly barlyq ótinishtermen jumys istep, ár aýylda, aýdan ortalyǵynda jáne qalalarda qurylys barysyn qatań baqylaýda ustaidy. Ministrlik qyzmetkerleri óńirlerge baryp, qurylys oryndaryn tekserýmenqatar, jergilikti jerlerde máselelerdi sheship, jumys barysyn qadaǵalaýdy qolǵa aldy. Onlain beinemonitoring qurylys pen jóndeý jumystaryn jedel tártippen baqylaýǵa jáne merzimnen artta qalǵan jaǵdaida tezirek áreket etýge múmkindik beredi. Ashyq jumys formaty biz úshin mańyzdy, biz turǵyndarymyzdy turǵyn úidi qalpyna keltirý boiynsha júrgizilip jatqan jumystary týraly habardar etkimiz keledi», - dep túsindirdi Ónerkásip jáne qurylys vitse-ministri Jannat Dýbirova.
Esterińizge sala keteiik, Sergek Video Management System (Sergek VMS) – bul qoǵamdyq qaýipsizdikti qamtamasyz etýge nemese biznesti ońtailandyrýǵa arnalǵan analitikalyq quraldary bar keshendi beinebaqylaý júiesi. Ol qalanyń kósheleri men aýlalarynda, qoǵamdyq oryndarda, bilim berý mekemelerinde, ónerkásiptik nysandarda, sondai-aq áýejailarda, vokzaldarda jáne basqa da strategiialyq nysandarda qaýipsizdikti qamtamasyz etýge arnalǵan. Sergek VMS kómegimen ýákiletti qyzmetkerler ártúrli jaǵdailardy qadaǵalap, ýaqtyly áreket ete alady.
