فوتو: ۆيكتور فەديۋنين/ Kazinform
قر ٶنەركەسٸپ جەنە قۇرىلىس مينيسترلٸگٸنٸڭ باستاماسى بويىنشا تسدياٶم, Sergek Group, «ۇات» اق جەنە ەكٸمدٸكتەرمەن بٸرلەسٸپ, سۋ تاسقىنىنان زارداپ شەككەندەر ٷشٸن جاڭا تۇرعىن ٷيلەر سالۋ ورىندارىندا بەينەكامەرالار ورناتىپ, بەينە اعىندارىن Sergek VMS كەشەندٸ بەينەباقىلاۋ جٷيەسٸنە بٸرٸكتٸرۋ جۇمىستارىن جٷرگٸزدٸ, دەپ حابارلايدى "ۇلت اقپارات" Kazinform-عا سٸلتەمە جاساپ.
«بٸز بۇعان دەيٸن gov.kz پلاتفورماسىندا سۋ تاسقىنىنا قارسى ٸس-شارالار ٶتكٸزٸلەتٸن ورىنداردان ترانسلياتسييا شىعاردىق. VMS كەشەندٸ جٷيەسٸنٸڭ كٶمەگٸمەن قازاقستاندىقتار زارداپ شەككەندەر ٷشٸن سالىنىپ جاتقان تۇرعىن ٷي قۇرىلىسىنىڭ بارىسىن باقىلاي الادى. قازاقستاندىقتاردىڭ ٶمٸرٸن جاقسارتۋ, ولاردىڭ قاۋٸپسٸزدٸگٸ مەن اقپاراتتاندىرىلۋى ٷشٸن ەزٸرلەگەن تەحنولوگييالاردى قولدانۋ - بٸزدٸڭ ەلەۋمەتتٸك جاۋاپكەرشٸلٸگٸمٸز. بٸز ەل ٷشٸن قيىن ۋاقىتتا پايدالى بولعانىمىزعا قۋانىشتىمىز. بٸزدٸڭ قىزمەتكەرلەر ٶز قۇزىرەتٸ شەگٸندە قاجەتتٸ كٶمەك كٶرسەتۋ ٷشٸن تج جەدەل شتابتارىندا جەنە سۋ باسقان ەلدٸ مەكەندەردە ەڭبەك ەتۋدە», - دەپ Sergek Group باس ديرەكتورى اسەت احمەتوۆ بٶلٸستٸ.
قازٸرگٸ ۋاقىتتا قازاقستاننىڭ التى وبلىسىنداعى (اقمولا, اقتٶبە, باتىس قازاقستان, قوستاناي, سولتٷستٸك قازاقستان جەنە اتىراۋ وبلىستارى) قۇرىلىس الاڭدارىنا 55 بەينەكامەرا ورناتىلدى. ولاردىڭ ونلاين ترانسلياتسيياسى gov.kz سايتىندا تەۋلٸك بويى قولجەتٸمدٸ.
«ٶنەركەسٸپ جەنە قۇرىلىس مينيسترلٸگٸ سۋ تاسقىنىنان زارداپ شەككەن ەلدٸ مەكەندەردە تۇرعىن ٷيدٸ قالپىنا كەلتٸرۋ جۇمىستارىن باقىلاۋ جەنە ٷيلەستٸرۋ ٷشٸن احۋالدىق ورتالىق قۇردى. بٷگٸنگٸ تاڭدا احۋالدىق ورتالىق زالالدى ٶتەۋ تۋرالى بارلىق ٶتٸنٸشتەرمەن جۇمىس ٸستەپ, ەر اۋىلدا, اۋدان ورتالىعىندا جەنە قالالاردا قۇرىلىس بارىسىن قاتاڭ باقىلاۋدا ۇستايدى. مينيسترلٸك قىزمەتكەرلەرٸ ٶڭٸرلەرگە بارىپ, قۇرىلىس ورىندارىن تەكسەرۋمەنقاتار, جەرگٸلٸكتٸ جەرلەردە مەسەلەلەردٸ شەشٸپ, جۇمىس بارىسىن قاداعالاۋدى قولعا الدى. ونلاين بەينەمونيتورينگ قۇرىلىس پەن جٶندەۋ جۇمىستارىن جەدەل تەرتٸپپەن باقىلاۋعا جەنە مەرزٸمنەن ارتتا قالعان جاعدايدا تەزٸرەك ەرەكەت ەتۋگە مٷمكٸندٸك بەرەدٸ. اشىق جۇمىس فورماتى بٸز ٷشٸن ماڭىزدى, بٸز تۇرعىندارىمىزدى تۇرعىن ٷيدٸ قالپىنا كەلتٸرۋ بويىنشا جٷرگٸزٸلٸپ جاتقان جۇمىستارى تۋرالى حاباردار ەتكٸمٸز كەلەدٸ», - دەپ تٷسٸندٸردٸ ٶنەركەسٸپ جەنە قۇرىلىس ۆيتسە-مينيسترٸ جاننات دۋبيروۆا.
ەستەرٸڭٸزگە سالا كەتەيٸك, Sergek Video Management System (Sergek VMS) – بۇل قوعامدىق قاۋٸپسٸزدٸكتٸ قامتاماسىز ەتۋگە نەمەسە بيزنەستٸ وڭتايلاندىرۋعا ارنالعان اناليتيكالىق قۇرالدارى بار كەشەندٸ بەينەباقىلاۋ جٷيەسٸ. ول قالانىڭ كٶشەلەرٸ مەن اۋلالارىندا, قوعامدىق ورىنداردا, بٸلٸم بەرۋ مەكەمەلەرٸندە, ٶنەركەسٸپتٸك نىسانداردا, سونداي-اق ەۋەجايلاردا, ۆوكزالداردا جەنە باسقا دا ستراتەگييالىق نىسانداردا قاۋٸپسٸزدٸكتٸ قامتاماسىز ەتۋگە ارنالعان. Sergek VMS كٶمەگٸمەن ۋەكٸلەتتٸ قىزمەتكەرلەر ەرتٷرلٸ جاعدايلاردى قاداعالاپ, ۋاقتىلى ەرەكەت ەتە الادى.
