Topan sýdan zardap shekken maqtaaraldyq turǵyndarǵa ótemaqy tólene bastady, – dep habarlaidy «Túrkistan» ÁKK» AQ baspasóz qyzmeti.
Mamandardyń aitýynsha, búginde atalǵan aimaqta «Túrkistan» ÁKK» AQ janyndaǵy «Túrkistan» áleýmettik damý korporativtik qory zaqymdalǵan úilerdi qalpyna keltirý úshin ótemaqy tóleý baǵdarlamasyn iske asyrýda. Baǵdarlama ár otbasyna úsh iri transhpen 17 mln teńge kóleminde ótemaqy tóleýdi kózdeidi.
«Búgingi kúni 19 otbasy 8,5 mln teńge kóleminde birinshi transh aldy (jalpy somanyń 50%). Qalǵan 25%-dan 2 transh turǵyn úi qurylysynyń barysynda tólenedi. Sonymen qatar, aýdan ákimdigi zaqymdalǵan turǵyn úilerdi esepteý jáne turǵyndarǵa ótemaqy alý úshin kerek qujattardy jinaý boiynsha kómek kórsetý jumystaryn jalǵastyrýda» delingen «Túrkistan» ÁKK» AQ habarlamasynda.
Sońǵy aqparatqa sáikes, búlingen úilerdiń sany 200-den asady.
