Elimizdegi sý tasqyny boiynsha jaǵdai turaqty. Bul týraly QR Tótenshe jaǵdailar ministrliginiń resmi ókili Talǵat Ýáli málim etti, dep habarlaidy "Ult aqparat".
«Sý tasqynyna qarsy is-sharalardy júrgizý, kóktem mezgilindegi tótenshe jaǵdailardy joiý úshin Aqmola jáne Qostanai oblystaryna Pavlodar, Qyzylorda oblystarynan qosymsha kúshter men quraldar jiberildi. Jalpy Aqmola oblysyna Pavlodar oblysy TJD-nyń jeke quramynan 19 adam, 2 tehnika, 8 sý sorý tehnikasy men jabdyǵy jiberildi. Qostanai oblysyna Qyzylorda oblysy TJD-nyń jeke quramynan 27 adam, 2 tehnika, 2 júzý quraly, 8 sý sorý tehnikasy men jabdyǵy jiberildi. Búgin tańerteń Pavlodar oblysy TJD kúshteri men quraldary Aqmola oblysynyń Qaraótkel aýylynda avariialyq-qutqarý jumystaryn júrgizýge kiristi», - dedi T.Ýáli.
Resmi ókil atap ótkendei, ótken táýlikte kóktemgi sý tasqynynyń qaýip-qaterin azaitý maqsatynda Nur-Sultan qalasynyń, Aqmola, Aqtóbe, Shyǵys Qazaqstan, Pavlodar, Soltústik Qazaqstan oblystarynyń aýmaqtarynda jergilikti atqarýshy organdar men TJM bólimsheleriniń kúshteri 574359,6 tekshe metr erigen qar sýyn sorý jumystaryn júrgizdi.
Aqmola jáne Soltústik Qazaqstan oblystarynda 4309 metr sý ótkizý arnalary men aryqtar tazartyldy.
Aqmola, Qaraǵandy, Shyǵys Qazaqstan jáne Soltústik Qazaqstan oblystarynda inertti material salynǵan 7 myńnan astam qap daiyndaldy jáne 4 myńnan astam qap tóseldi.
Aqmola, Aqtóbe, Pavlodar jáne Soltústik Qazaqstan oblystarynyń jergilikti atqarýshy organdary eldi mekennen 16443 tekshe metr qar shyǵardy.
Muz keptelisiniń aldyn alý maqsatynda Qaraǵandy oblysy Nura aýdanynyń Barshyn jáne Keńjaryq aýyldyq okrýgteriniń aýmaǵynda úsh ýchaskede muzdy uqsaqtaý jumystary júrgizildi.
Profilaktikalyq jumystardy júrgizýge jergilikti atqarýshy organdardan, TJM, IIM jáne ákimdikterden 1097 adam, 333 tehnika, 74 motopompa men 15 júzý quraly jumyldyryldy.
«Ótken táýlikte qardyń erýi saldarynan turǵyn úilerdi sý basý faktileri tirkelgen joq. Aqmola, Soltústik Qazaqstan, Qaraǵandy jáne Qostanai oblystaryndaǵy joldarda 12 ret sýdyń tasýy boldy», - dedi T.Ýáli.
9 sáýirde saǵat 20:00-de Shyǵys Qazaqstan oblysy Borodýliha aýdany Novopokrovka aýylynda Beregovaia jáne Gagarin kóshelerin erigen qardyń sýy basý qaýpi boldy. 2021 jylǵy 10 sáýir, saǵat 09.00-degi jaǵdai boiynsha Borodýliha aýdany Novopokrovka aýylynda sý deńgeii tústi. Qazirgi ýaqytta sý ketip, qaýip seiildi. Buǵan deiin 9 sáýirde 36 adam evakýatsiialanyp, týystaryna ornalastyrylǵan bolatyn. Jumystarǵa barlyǵy ShQO TJD-nyń 37 qutqarýshysy jáne 2 birlik tehnika, 1 júzý quraly jáne 4 motopompa, Semei qalasy № 68303 áskeri bóliminiń 19 áskeri qyzmetshisi jáne 4 birlik tehnika, jergilikti atqarýshy organdardyń 30 qyzmetkeri jáne 15 birlik tehnika jumyldyryldy. 400 dana qap tóseldi. ShQO TJD qutqarýshylary men jergilikti atqarýshy organdar aýyldaǵy jaǵdaiǵa monitoringini jalǵastyrýda.
Aqmola oblysynyń Qoiandy aýylyndaǵy sý astynda qalǵan 3 úide TJD bólimsheleri men jergilikti atqarýshy organdar erigen qardyń sýyn sorý jumystaryn júrgizýde. Sý astynda qalǵan úilerdiń 10 turǵyny, onyń ishinde 4 bala Nur-Sultan qalasy men Qoiandy aýylyndaǵy týystarynyń úilerine ornalastyryldy.
