ەلٸمٸزدەگٸ سۋ تاسقىنى بويىنشا جاعداي تۇراقتى. بۇل تۋرالى قر تٶتەنشە جاعدايلار مينيسترلٸگٸنٸڭ رەسمي ٶكٸلٸ تالعات ۋەلي مەلٸم ەتتٸ, دەپ حابارلايدى "ۇلت اقپارات".
«سۋ تاسقىنىنا قارسى ٸس-شارالاردى جٷرگٸزۋ, كٶكتەم مەزگٸلٸندەگٸ تٶتەنشە جاعدايلاردى جويۋ ٷشٸن اقمولا جەنە قوستاناي وبلىستارىنا پاۆلودار, قىزىلوردا وبلىستارىنان قوسىمشا كٷشتەر مەن قۇرالدار جٸبەرٸلدٸ. جالپى اقمولا وبلىسىنا پاۆلودار وبلىسى تجد-نىڭ جەكە قۇرامىنان 19 ادام, 2 تەحنيكا, 8 سۋ سورۋ تەحنيكاسى مەن جابدىعى جٸبەرٸلدٸ. قوستاناي وبلىسىنا قىزىلوردا وبلىسى تجد-نىڭ جەكە قۇرامىنان 27 ادام, 2 تەحنيكا, 2 جٷزۋ قۇرالى, 8 سۋ سورۋ تەحنيكاسى مەن جابدىعى جٸبەرٸلدٸ. بٷگٸن تاڭەرتەڭ پاۆلودار وبلىسى تجد كٷشتەرٸ مەن قۇرالدارى اقمولا وبلىسىنىڭ قاراٶتكەل اۋىلىندا اۆارييالىق-قۇتقارۋ جۇمىستارىن جٷرگٸزۋگە كٸرٸستٸ», - دەدٸ ت.ۋەلي.
رەسمي ٶكٸل اتاپ ٶتكەندەي, ٶتكەن تەۋلٸكتە كٶكتەمگٸ سۋ تاسقىنىنىڭ قاۋٸپ-قاتەرٸن ازايتۋ ماقساتىندا نۇر-سۇلتان قالاسىنىڭ, اقمولا, اقتٶبە, شىعىس قازاقستان, پاۆلودار, سولتٷستٸك قازاقستان وبلىستارىنىڭ اۋماقتارىندا جەرگٸلٸكتٸ اتقارۋشى ورگاندار مەن تجم بٶلٸمشەلەرٸنٸڭ كٷشتەرٸ 574359,6 تەكشە مەتر ەرٸگەن قار سۋىن سورۋ جۇمىستارىن جٷرگٸزدٸ.
اقمولا جەنە سولتٷستٸك قازاقستان وبلىستارىندا 4309 مەتر سۋ ٶتكٸزۋ ارنالارى مەن ارىقتار تازارتىلدى.
اقمولا, قاراعاندى, شىعىس قازاقستان جەنە سولتٷستٸك قازاقستان وبلىستارىندا ينەرتتٸ ماتەريال سالىنعان 7 مىڭنان استام قاپ دايىندالدى جەنە 4 مىڭنان استام قاپ تٶسەلدٸ.
اقمولا, اقتٶبە, پاۆلودار جەنە سولتٷستٸك قازاقستان وبلىستارىنىڭ جەرگٸلٸكتٸ اتقارۋشى ورگاندارى ەلدٸ مەكەننەن 16443 تەكشە مەتر قار شىعاردى.
مۇز كەپتەلٸسٸنٸڭ الدىن الۋ ماقساتىندا قاراعاندى وبلىسى نۇرا اۋدانىنىڭ بارشىن جەنە كەڭجارىق اۋىلدىق وكرۋگتەرٸنٸڭ اۋماعىندا ٷش ۋچاسكەدە مۇزدى ۇقساقتاۋ جۇمىستارى جٷرگٸزٸلدٸ.
پروفيلاكتيكالىق جۇمىستاردى جٷرگٸزۋگە جەرگٸلٸكتٸ اتقارۋشى ورگانداردان, تجم, ٸٸم جەنە ەكٸمدٸكتەردەن 1097 ادام, 333 تەحنيكا, 74 موتوپومپا مەن 15 جٷزۋ قۇرالى جۇمىلدىرىلدى.
«ٶتكەن تەۋلٸكتە قاردىڭ ەرۋٸ سالدارىنان تۇرعىن ٷيلەردٸ سۋ باسۋ فاكتٸلەرٸ تٸركەلگەن جوق. اقمولا, سولتٷستٸك قازاقستان, قاراعاندى جەنە قوستاناي وبلىستارىنداعى جولداردا 12 رەت سۋدىڭ تاسۋى بولدى», - دەدٸ ت.ۋەلي.
9 سەۋٸردە ساعات 20:00-دە شىعىس قازاقستان وبلىسى بورودۋليحا اۋدانى نوۆوپوكروۆكا اۋىلىندا بەرەگوۆايا جەنە گاگارين كٶشەلەرٸن ەرٸگەن قاردىڭ سۋى باسۋ قاۋپٸ بولدى. 2021 جىلعى 10 سەۋٸر, ساعات 09.00-دەگٸ جاعداي بويىنشا بورودۋليحا اۋدانى نوۆوپوكروۆكا اۋىلىندا سۋ دەڭگەيٸ تٷستٸ. قازٸرگٸ ۋاقىتتا سۋ كەتٸپ, قاۋٸپ سەيٸلدٸ. بۇعان دەيٸن 9 سەۋٸردە 36 ادام ەۆاكۋاتسييالانىپ, تۋىستارىنا ورنالاستىرىلعان بولاتىن. جۇمىستارعا بارلىعى شقو تجد-نىڭ 37 قۇتقارۋشىسى جەنە 2 بٸرلٸك تەحنيكا, 1 جٷزۋ قۇرالى جەنە 4 موتوپومپا, سەمەي قالاسى № 68303 ەسكەري بٶلٸمٸنٸڭ 19 ەسكەري قىزمەتشٸسٸ جەنە 4 بٸرلٸك تەحنيكا, جەرگٸلٸكتٸ اتقارۋشى ورگانداردىڭ 30 قىزمەتكەرٸ جەنە 15 بٸرلٸك تەحنيكا جۇمىلدىرىلدى. 400 دانا قاپ تٶسەلدٸ. شقو تجد قۇتقارۋشىلارى مەن جەرگٸلٸكتٸ اتقارۋشى ورگاندار اۋىلداعى جاعدايعا مونيتورينگٸنٸ جالعاستىرۋدا.
اقمولا وبلىسىنىڭ قوياندى اۋىلىنداعى سۋ استىندا قالعان 3 ٷيدە تجد بٶلٸمشەلەرٸ مەن جەرگٸلٸكتٸ اتقارۋشى ورگاندار ەرٸگەن قاردىڭ سۋىن سورۋ جۇمىستارىن جٷرگٸزۋدە. سۋ استىندا قالعان ٷيلەردٸڭ 10 تۇرعىنى, ونىڭ ٸشٸندە 4 بالا نۇر-سۇلتان قالاسى مەن قوياندى اۋىلىنداعى تۋىستارىنىڭ ٷيلەرٸنە ورنالاستىرىلدى.
