QR Tótenshe jaǵlailar ministri Iýrii Ilin elimizde júrgizilip jatqan sý tasqynyna qarsy is-sharalar týraly aityp berdi, dep habarlaidy QazAqparat.
«Jalpy elimizdegi sý tasqyny jaǵdaiyn turaqty dep aitýǵa bolady. Aýa raiynyń kúrt jylýynan sý tasqyny qaýpi bastalǵan sátten beri 46 turǵyn úidi sý basty. Óńirler boiynsha Qostanai oblysynda – 39, Aqmola oblysynda – 5, Shyǵys Qazaqstanda – 1 jáne Nur-Sultanda 1 turǵyn úige sý kirgen. Úi ishindegi sý deńgeii 10-15 sanimetr deńgeiinde bolǵandyqtan, barlyq jerde sý sorǵylaý jumystary júrgizilgen. Turǵyndar birtindep oralyp jatyr. Jaǵdaidy teksergen soń, jergilikti atqarýshy organdar zardap shekken turǵyndarǵa ótemaqy tóleý týraly sheshim qabyldaidy», - dedi ministr Ortalyq kommýnikatsiialar qyzmetinde ótken baspasóz máslihatynda.
Sonymen birge, elimizde oblystyq jáne aýdandyq mańyzy bar 67 avtojolǵa sý jaiylǵan. Aqmola oblysynda – 33, Soltústik Qazaqstanda – 10, Qostanaida – 9, Qaraǵandy oblysynda – 8, Shyǵys Qazaqstanda – 2, Atyraý, Aqtóbe, Pavlodar oblystarynda 1 avtojoldy sý basqan.
Ministrliktiń habarlaýynsha, sý tasqyny kezeńi bastalǵannan beri jergilikti atqarýshy organdar men TJM bólimsheleriniń kúshimen Aqmola, Qostanai, Pavlodar, Shyǵys Qazaqstan, Soltústik Qazaqstan oblystarynda 172 775 tekshe metr erigen qar sýy soryldy. Aqmola jáne Soltústik Qazaqstan oblystarynda 455,9 m sý ótkizý arnalary men aryqtar tazartyldy. Aqmola jáne Qostanai oblystarynda inertti materialdar salynǵan 2900 qap tóseldi. Jergilikti atqarýshy organdar eldi mekenderden 39,2 mln tekshe metr qar shyǵardy.
