Sýret: Egemen.kz
Qazaqstanda 88 mektep tórtinshi toqsandy qashyqtan oqytý formatynda bastaidy. Bul týraly QR Oqý-aǵartý ministrliginiń resmi ókili habarlady.
Qashyqtan oqytý sý tasqyny qaýpi seiilmegen aýmaqtardaǵy 56 mektepte, sondai-aq evakýatsiialyq pýnktter retinde aiqyndalǵan 32 mektepte uiymdastyrylyp otyr.
"Osy dúisenbiden bastap 3 mln-nan astam qazaqstandyq oqýshy úshin 2023-2024 oqý jylynyń tórtinshi toqsany bastalady. Bul rette sý tasqyny jaǵdaiy saqtalǵan óńirlerdegi oqýshylar qashyqtan oqýǵa kóshiriledi.
Jergilikti jerlerde Oqý-aǵartý ministrliginiń aýmaqtyq bilim berý salasynda sapany qamtamasyz etý departamentteri men óńirlik bilim basqarmalary jumys atqaryp jatyr. Evakýatsiialyq beketterdegi balalarǵa qajetti kómek kórsetý úshin psihologiialyq qyzmetter iske qosyldy. Balalar qashyqtan oqý úshin qajetti oqý quraldarymen, kiim-keshekpen jáne tehnikalyq quraldarmen qamtamasyz etildi. Evakýatsiialanǵan 1-4-synyp oqýshylaryn tamaqtanýmen qamtý máselesi boiynsha jumystar júrgizilip jatyr", - dep atap ótti vedomstvonyń resmi ókili Mereke Amangeldiqyzy.
Sondai-aq táýekelderdi azaitý jáne tótenshe jaǵdaida bilim berý protsesin jalǵastyrýdy qamtamasyz etý úshin Aqtóbe oblysyndaǵy kolledjder qashyqtan oqytý formatyna aýystyryldy.
