Foto: Gov.kz
Sý resýrstary jáne irrigatsiia ministrligi qurylǵan sátten bastap Memleket basshysynyń tapsyrmasy aiasynda elimizdiń 10 oblysynda kommýnaldyq gidrotehnikalyq qurylysjailardy paidalaný jáne basqarý jónindegi mamandandyrylǵan mekemeler quryldy. Búginde olardyń balansyna 872 nysan qabyldandy, 283 arnaiy tehnika berildi, 1 197 maman jumysqa ornalastyryldy, dep habarlaidy Ult.kz.
Mamandandyrylǵan mekemelerdiń negizgi mindeti - gidrotehnikalyq qurylysjailardyń qaýipsiz jumys isteýin qamtamasyz etip, nysandardy jaqsy jaǵdaida ustaý jáne jóndeý jumystaryn ýaqytyly júrgizý.
«Mundai mekemeler Aqmola, Aqtóbe, Atyraý, Batys Qazaqstan, Soltústik Qazaqstan, Qostanai, Qyzylorda, Pavlodar, Abai jáne Jetisý oblystarynda ashyldy. Osylaisha elimizde kommýnaldyq gidrotehnikalyq qurylysjailardy paidalaný jáne basqarý jónindegi mamandandyrylǵan mekemelerdiń jalpy sany 16-ǵa jetti», - dedi Sý resýrstary jáne irrigatsiia ministri Nurjan Nurjigitov.
Sondai-aq ministrliktiń bastamasymen oblys ákimdikteri 2025-2027 jyldarǵa arnalǵan mamandandyrylǵan mekemelerdiń balansyna kommýnaldyq gidrotehnikalyq qurylysjailardy qabyldaý boiynsha jol kartalaryn ázirledi.
Aita keteiik, Sý resýrstary jáne irrigatsiia ministrligi 2023 jyly 1 qyrkúiekte Memleket basshysynyń tapsyrmasymen qurylǵan.
