Sý tasqyny bolǵan aimaqqa Shymkentten qosymsha qutqarýshylar keldi. Shymkent qalalyq TJD búgin Maqtaaral aýdanyna arnaiy jáne qosalqy tehnikalar men jeke quramdy jibergen bolatyn, dep habarlaidy "Ult aqparat".
Shymkentten kelgen tótenshe jaǵdailar qyzmetkerleri sý basqan eldimekenderde avariialyq-qutqarý jumystaryn júrgizýge kirisip ketti. Olar kómekke jiberilgen ASO 20, ATs – 2, ÝAZ markaly 4 tehnika, MP-100 markaly 6 motopompa tehnikalarymen turǵyndarǵa qolǵabys etýde.
Aita keteiik, buǵan deiin sý tasqyny bolǵan aýdanǵa Shymkent qalasynan avariialyq-qutqarý jumystaryn júrgizýge 40 adam kelgen bolatyn. Olarǵa departament tarapynan 8 tehnika men 1 kvadrokopter jáne 4 dana júzý quraldary men motorly jáne 3 úrmeli qaiyq berilgen.
Ekinshi eshelon esebimen joldanǵan qyzmetkerler bes kún ishinde sý basqan eldimekenderde 70-ke tarta adamdy qutqarǵan. Olardyń múlikterin qaýipsiz jerge kóshirip, evakýatsiialaý jumystaryna atsalysýda. Sondai-aq, iri jáne usaq maldardy basqa jaiylymdarǵa tasyǵan. Al, jergilikti atqarýshy organdar tarapynan injenerlik jumystaryn júrgizý úshin 30 arnaiy tehnika bólingen.
