QR Bilim jáne ǵylym vitse-ministri Bibigúl Asylova stýdenttik jataqhanalardy qurylysyna qatysty túsinik berdi, dep habarlaidy "Ult aqparat".
«2019 jyldyń qorytyndysy boiynsha berilgen tapsyrmany oryndaý deńgeii 186 paiyzǵa qamtamasyz etildi. Jospar boiynsha 5 myń oryn tapsyrylý kerek bolsa, jataqhanalarda 9166 jańa oryndy paidalanýǵa berdik. Elbasynyń Bes áleýmettik bastamasyn júzege asyrý aiasynda 2022 jyldyń sońyna deiin 75 myńnan kem emes orynǵa arnalǵan jańa stýdenttik jataqhana salý tapsyrylǵan edi», - dedi vitse-ministr.
Osy oraida ol atalǵan bastamany iske asyrý boiynsha arnaýly qurylysty qamti otyryp, sondai-aq memlekettik-jekeshelik áriptestikti paidalaný turǵysynda sharalar kesheni qarastyrylǵanyn eske saldy.
«Atalǵan maqsatty sheshý úshin jataqhana qurylysyn kezeń-kezeńmen júrgizý eskerilgen. Jospar boiynsha 2019 jyly 5 myń orynnan, 2020 jyly 20 myń orynnan, al 2021 jyly 45 myń orynnan kem emes boldy. Osy arqyly 2022 jyly biz osy maqsatty tolyqtai oryndaýǵa tiistimiz, iaǵni 75 myń oryn paidalanýǵa beriledi. Bastamany júzege asyrý bastalǵaly 34 nysan tapsyryldy, bul óz kezeginde jataqhanalarda 9 166 oryndy qurady», - dep naqtylady B. Asylova.
