Stýdentterdiń, magistranttardyń jáne doktoranttardyń stipendiialary tikelei karta shottaryna túsetin bolady. Bul týraly QR BǴM apparat keńesinde aityldy, dep habarlaidy "Ult aqparat".
Pilottyq rejimge ázirge úsh joǵarǵy oqý orny qatysyp jatyr. Olardyń qataryna taǵy 21 JOO qosyldy.
Stipendiialardy tóleý jónindegi fýnktsiiany Qarjy ortalyǵy júzege asyratyn bolady. Óz kezeginde JOO stýdentterdiń úlgerimi men mártebesi (oqýǵa túsý, aiaqtaý, oqýdan shyǵarý jáne t.b.) boiynsha aqparatty tiisti aqparattyq júie arqyly beredi.
«Grant – bul stýdent alatyn qarajattyń maqsatty somasy. Qazir bul qarajat tikelei JOO-ǵa aýdarylǵan kezde, stýdent memleket oǵan aqsha tóleitinin, ol úshin aqyly negizde oqityndar siiaqty toqsan saiyn oqý aqysy tólenetinin sezbeidi.
Sondyqtan, qazir biz shartty túrde stýdenttiń eskroý-shotyna aqsha túsýi úshin jumys istep jatyrmyz. Biraq, stýdent bul qarajatty ýniversitettegi oqý aqysyn tóleýden basqa maqsatta paidalana almaidy. Kreditterdiń jinaqtalýyna qarai ol bul tólemdi JOO-ǵa bank arqyly aýdaratyn bolady», – dep atap ótti Bilim jáne ǵylym ministri Ashat Aimaǵambetov.
Osylaisha, jańa júie memleket jyl saiyn stipendiiaǵa da, joǵary oqý oryndarynda oqýǵa da qarajatty tikelei bilim alýshylarǵa ataýly aýdarý arqyly bóletin aqsha qarajatynyń ashyqtyǵyn qamtamasyz etedi.
Budan bólek, júiedegi taǵy bir oń ózgeris – basqa JOO-ǵa aýysqan stýdentterge grantty saqtai otyryp, stipendiiany úzdiksiz tóleý múmkindigi.
