Kelesi jyldyń jazynan bastap oqý jylynyń sońynda stýdentterden ótkizýi tiis ketý qaǵazy talap etilmeitin bolady. Bul týraly Bilim jáne ǵylym vitse-ministri Miras Dáýlenov málim etti, dep habarlaidy "Ult aqparat".
«Joǵary oqý oryndary ár oqý jyly aiaqtalǵan kezde stýdentterden ketý qaǵazyn talap etetini belgili. Keibir JOO qazir bul talapty tsifrlyq formatqa aýystyryp jatyr. Iaǵni, qazirdiń ózinde ketý qaǵazyn qaǵaz júzinde talap etpeitindei negiz bar. Sol sebepti áriptesterden (JOO-daǵy) kelesi jyldyń jazynan bastap stýdentterden esepshilerdiń, kitaphananyń móri talap etiletin ketý qaǵazyn suraýdy ótinemiz», - dedi Miras Dáýlenov Bilim jáne ǵylym ministrliginiń apparattyq otyrysynda.
Eske sala ketsek, buǵan deiin Ashat Aimaǵambetov Bilim jáne ǵylym ministrligi ýniversitetterden eshqandai qujattardy talap etpeitinin málim etken edi. Ministrdiń aitýynsha, joǵary oqý oryndarynyń pedagogtaryna qatysty qaǵazbastylyq problemasyn sheshý kerek.
