2016 jyly elimizde 477 myń stýdent bolsa, 2018 jyly bul san 542 myńǵa jetken. Bul týraly QR JOO Rektorlar keńesi tóraǵasy Erlan Sydyqov aitty, dep habarlaidy QazAqparat.
«Ótken jyldyń aiaǵynda elimizdegi bilim jáne ǵylymdy damytýdyń aldaǵy bes jylǵa arnalǵan memlekettik jospary qabyldandy. Bul jospar aiasynda buryn-sońdy bolmaǵan dárejede úlken qarajat bólinip otyr. Endigi maqsat –bólinetin qarjyny tiimdi paidalanyp, ǵylym men bilim dárejesin qalai kóterý kerektigin sheshý. Osy turǵydaǵy keshendi sharalardyń biri retinde QR Bilim jáne ǵylym ministrliginiń basshylyǵy Elbasynyń jáne Prezidenttiń tapsyrmasyna orai JOO sanyn azaitý máselesintalǵa qoiyp otyr. Bul durys bastama, sebebi jumys berýshi adamnyń ultyna, azamattyǵyna emes, biliktiligine qaraidy», - Erlan Sydyqov Ortalyq kommýnikatsiialar qyzmetinde ótken brifingte.
Ol sannyń sapaǵa ainalatyn kezi kelgenin aitty.
«1999 jyly álemde 90 mln. adam stýdent bolsa, 2019 jyly 200 mln. stýdent boldy. Stýdentterdiń sany artý tendentsiiasy Qazaqstanda da bar. 2016 jyly elimizde 477 myń stýdent bolsa, 2018 jyly bul san 542 myńǵa jetken. Osy stýdentterge sabaq beretin bilimdi, bilikti muǵalimderdiń sany artty ma? Artty dep aita almaimyz», - deidi ol.
