Bilim jáne ǵylym ministri Erlan Saǵadievtiń halyqqa esep berý kezdesýinde jýrnalistika mamandyǵynda oqityn stýdent qyzdyń suraǵy zalda otyrǵandardy dý kúldirdi, dep habarlaidy Sputnik Qazaqstan tilshisi.
"Qazirgi zamanda shetelde alǵan bilim zor mártebe men kásibiliktiń kepili sanalady. Jarqyn bolashaqty qamtamasyz etý úshin jáne qyzdarǵa kúieýge sátti shyǵý úshin qai elde bilim alýǵa keńes beresiz?"- dep suraq qoidy ministrge astanalyq qyz.
"Qazaqstandyqqa turmysqa shyǵyńyz, bári sátti bolady. Men sizdi sendire alamyn", — dep kúldi Saǵadiev.
Osydan keiin ministr joǵary oqý oryndaryna qatysty suraqqa jaýap berdi.
"Shetelde ártúrli joǵary oqý oryndary bar, jaqsysy da jamany da. Máselen, AQSh-ta keibir kolledjderde politseiler tártipti saqtaý úshin qarýmen júredi. Muny men óz kózimmen kórdim. Qazirgi tańda biz engizip jatqan dúnieniń bári álemde bar nárse. Sapaly bilimdi bizdiń elde de alýǵa bolady. Bul elge emes, oqyp jatqan ýniversitetke bailanysty. Jáne, eń aldymen 75 paiyzy sizdiń ózińizge bailanysty. Bul - meniń ómirlik tájiribem. Seniń qai elde bilim alǵanyń emes, qalai oqyǵanyń mańyzdy", — dep keńes berdi jas qyzǵa bilim ministri.
