Almaty qalasynda politseidiń ólimine qatysty jańa derekter paida boldy.
Áriptesin óltirdi degen kúdikti osy jyly ákesinen aiyrylǵan. Kúdiktiniń ákesi Almaty oblysy qorǵanys isteri jónindegi departament basshysy bolǵan, dep habarlaidy sputniknews.kz agenttigi "Almaty" arnasyna silteme jasap.
Polkovnik Berdibek Beristemovti 31 naýryz kúni Taldyqorǵandaǵy qyzmettik kabinetinde qolastyndaǵy qyzmetkeri atyp óltirdi. Sol kezdegi qorǵanys ministri Sáken Jasuzaqov marqum men oq atqan azamattardyń birge qyzmettes bolyp qana qoimai, ómirde dos bolǵanyn aitty. Vedomstvo basshysy qolastyndaǵy qyzmetkerdiń mundai qylmysqa moraldyq-psihikalyq qysym saldarynan ǵana barýy múmkin ekenin aitty.
Araǵa jarty jyl salyp Beristemovtiń uly áriptes-týysqanyna oq atty. Jábirlenýshi kóp uzamai aýrýhanada kóz jumdy. Olardyń arasynda turmystyq sipattaǵy kikiljiń týyndaǵan: marqum oq atqan azamattyń ápkesinen, óziniń áielinen ketip qalǵan.
Atalǵan faktige sáikes, "Kisi óltirý" baby boiynsha qylmystyq is qozǵaldy. Ózindik qaýipsizdik departamenti atalǵan faktige sáikes qyzmettik tekseris júrgizip jatyr.
