QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysy barysynda eldiń 2025 jylǵa deiingi startegiialyq damý jospary qaraldy, dep habarlaidy "Ult aqparat" primeminister.kz portalyna silteme jasap.
Ulttyq ekonomika ministri T. Súleimenov 2025 jylǵa deiingi basty maqsat — adamdardyń ómir súrý deńgeiin Ekonomikalyq yntymaqtastyq jáne damý uiymy elderine sáikes keletin deńgeige deiin kóterýge ákeletin ekonomikanyń sapaly jáne turaqty damýyna qol jetkizý ekenin aitty. Bul úshin ekonomikanyń orta eseppen jylyna 4,5-5,0% kem emes deńgeidegi ósimi josparlanýda. Bul Qazaqstanǵa 2025 jyly jan basyna shaqqandaǵy jalpy ishki ónimniń deńgeiin $46 100 deiin ósirýge múmkindik beredi.
«Josparlanǵan ósý qarqynyn qamtamasyz etý qoiylǵan maqsattarǵa qol jetkizýdiń qajetti sharty bolyp tabylady. JIÓ azamattardyń ómir súrý sapasy men qorshaǵan ortaǵa tigizgen zardabyn tolyq kórsetpeidi. Osyǵan bailanysty, 30 damyǵan eldiń qataryna kirý jolyndaǵy progresti baǵamdaý úshin jáne qoiylǵan maqsattarǵa qol jetkizý úshin halyqtyń ómir sapasyn jáne ekonomikanyń ósý sapasyn kórsetetin basty ulttyq indikatorlar qarastyrylǵan», — dedi T. Súleimenov.
Basty ulttyq indikatorlar salalarǵa bólingen jáne halyqaralyq reitingterdi qosa alǵandaǵy indikatorlardy qamtidy. 2025 jylǵa deiingi strategiialyq damý josparynyń basty ulttyq indikatorlaryna qol jetkizý maqsatynda Strategiialyq karta ázirlendi. Onda basty ulttyq indikatorlar, salalar jáne óńirler boiynsha jyl saiynǵy mánderdi kórsete otyryp bólingen.
Ulttyq ekonomika ministri T. Súleimenov basty ulttyq indikatorlardy bólgende olardyń nátijelerine qol jetkizýge jaýapty ortalyq memlekettik jáne jergilikti atqarýshy organnyń úlesi anyqtalǵanyn aitty. Salalar jáne óńirler boiynsha «eńbek ónimdiliginiń ósýi», «negizgi kapitalǵa investitsiialar» «baqylanbaityn ekonomika úlesi» syndy úsh keshendi indikator bólindi.
Ulttyq ekonomika ministrliginiń derekterine sáikes, Strategiialyq kartanyń barlyq indikatorlary boiynsha qandai da bir saladaǵy jaǵdaidy jaqsartýǵa baǵyttalǵan oń ósim dinamikasy baiqalady.
«Jalpy, qabyldanǵan Strategiialyq karta Strategiialyq jospardyń kórsetkishterine qol jetkizýge baqylaý júrgizýge jáne josparlardan aýytqý kezinde tiisti sharalardy qabyldaýǵa múmkindik beredi. Túiindi ulttyq indikatorlarǵa qol jetkizýdi qamtamasyz etý úshin Strategiialyq kartanyń josparly mánderi tek Strategiialyq josparǵa ózgerister men tolyqtyrýlar engizilgen jaǵdaida túzetiletin bolady», — dedi ulttyq ekonomika ministri.
Strategiialyq kartanyń indikatorlaryn iske asyrý jáne olarǵa qol jetkizý barysyn monitoringileý jylyna bir ret Strategiialyq damý josparyn monitoringileý aiasynda júzege asyrylatyn bolady.
QR Premer-Ministriniń orynbasary E. Dosaev Prezident tapsyrmasyna sáikes, ortalyq jáne jergilikti organdar Strategiialyq damý josparynyń basty indikatorlaryna qol jetkizý boiynsha aýqymdy jumystar atqaryp jatqanyn aitty. Barlyq 37 indikator pysyqtalýda. Belgili bir kelisimder jasaldy.
Máseleni qaraý qorytyndysy boiynsha Premer-Ministr Baqytjan Saǵyntaev 2025 j. deiin Strategiialyq damý josparynyń ulttyq indikatorlaryna qol jetkizý negizgi basymdyqtardyń biri ekenin atap ótti.
Atalǵan jumys ortalyq jáne jergilikti deńgeide de oryndalýy tiis. Osyǵan orai barlyq memlekettik organdarǵa jáne óńirlerdiń ákimdikterine Strategiialyq kartaǵa sáikes Memlekettik josparlaý júiesiniń qujattaryn túzetý jónindegi jumystardy jyldamdatyp, ony iske asyrý boiynsha sharalardy qabyldaý tapsyryldy.
