Frantsiiada Strasbýrg politsiiasy qalanyń batys aýdandaryndaǵy Jańa jyl túni jappai kólik órtengen oqiǵaǵa kúdikti 40 adamdy ustady, dep habarlady sársenbi kúni Dernieres Nouvelles d'Alsace gazeti.
Aldyn ala málimetterge qaraǵanda, 220 avtomobil kúlge ainalǵan.
«Bizde kóp jyldan beri mundai oqiǵa bolmaǵan», - dep moiyndady Strasbýrg meriniń qaýipsizdik jónindegi orynbasary Rober Erman. «Men eshqashanda mundaidy kórgen joqpyn. Turǵyndar ádette mashinalaryn úileriniń terezeleri mańyna qoiady. Strasbýrgtiń barlyq turǵyn úi oramdarynda da osyndai. Biraq eshkim tiispeýshi edi».
Áleýmettik jelini qoldanýshylar túngi qasaqana órt qoiý oqiǵalarynyń kadrlaryn, kóshe ortasynda janyp jatqan ne aýdarylǵan avtomobilderdiń kórinisterin jariialap jatyr.
Tań atqanǵa deiin jalǵasqan tártipsizdikti basý kezinde quqyq qorǵaý organdarynyń birneshe qyzmetkeri jaralanǵan.
Mundai keleńsiz jaǵdai Miýlýz, Miýttsig, Oberne, Barre jáne Selesta qalalarynda da oryn aldy.
