Britandyq astrofizik jáne kosmolog Stiven Hoking 77 jasqa qaraǵan shaǵynda ómirden ótti, dep habarlaidy BBC News.
Hoking qara qurdym teoriiasy men salystyrmalylyq teoriiasy salasyndaǵy zertteýlerimen tanylǵan. Sondai-aq, britandyq fizik-teoretik birneshe tanymal kitaptardyń, sonyń ishinde «Ýaqyttyń qysqasha tarihy» atty eńbektiń avtory.
Hokingtiń balalary - Liýsi, Robert jáne Tim BBC-ge súiikti ákeleriniń qaitys bolǵanyna qatty kúizeletindikterin jetkizgen.
«Ol uly ǵalym jáne erekshe adam boldy. Onyń eńbekteri men murasy ómir boiy jasaidy», dep habarlady agenttik olardyń sózderin.
1960-jyldardyń basynda Hokingte búiirinde amiotrofikalyq skleroz belgileri paida bolyp, sonyń saldarynan sal aýrýymen naýqastanǵan. Dárigerler oǵan sol kezde 2-3 jyl ómir súre alatynyn aitqan. Alaida ǵalym ǵylymi jumysyn ári qarai jalǵastyryp, eki ret úilenip, úsh balanyń ákesi atandy. Munymen qosa, Hoking sal aýrýyna shaldyqsa da, ǵylymmen ainalysyp, sabaq berip, baiandamalar oqityn.
Ol Ǵalamnyń bastapqyda qandai bolǵanyn jáne Úlken Jarylys teoriiasyn zertteýmen ainalysqan edi.
