Stepnogorde er adam dámhanada asqa shashalyp kóz jumdy, dep habarlaidy QazAqparat oblystyq densaýlyq saqtaý basqarmasynyń baspasóz qyzmetine silteme jasap.
Vedomstvonyń málimetinshe, oqiǵa qyrkúiektiń 19-da saǵat 19:50 shamasynda bolǵan. Bul týraly jedel járdem qyzmetine áiel adam habarlasyp aitqan.
«Saǵat 19:58-de 102 nómirine áiel adam qońyraý shalyp, «Shashlykov» dámhanasynda er adamdyń jaǵdaiy kúrt nasharlap, túri bozaryp bara jatqandyǵyn aitqan. Sonymen birge, ol er adamdy óz kóligimen aýrýhana alyp ketkendigin, jolda olardy jedel járdem brigadasy kútip alýyn suraǵan», - delingen aqparatta.
Alaida, keibir basylymdar men áleýmettik jeli qoldanýshylar jedel járdem qyzmetiniń shaqyrý boiynsha kelmegenin aityp, synaýda.
«Qalada táýlik boiy jumys isteitin jalǵyz ǵana dispetcherlik beket bar. Onda saǵat 19:10 jáne 20:00 aralyǵynda 103 nómirine 13 ret qońyraý shalynǵan. Dispetcher qońyraýdy tirkedi, biraq brigada jolǵa shyqqan joq. Óitkeni 20:00-de aýrýhanadan habarlasyp, er adamnyń denesi jetkizilgenin habarlady. Qazirgi kezde, osy oqiǵaǵa bailanysty qyzmettik tekseris júrgizilýde», - dep tolyqtyrdy vedomstvodan.
