Shetelge turaqty ómir súrýge ketetin halyq sany kóbeiip barady, - dep habarlady Azattyq ulttyq ekonomika ministrligi áleýmettik-demografiialyq statistika basqarmasyna silteme jasap.
Áleýmettik-demografiialyq statistika basqarmasynyń sarapshysy Gúljihan Aiǵozinanyń aitýynsha, qonys aýdarýshylardyń kóbi Resei, Germaniia jáne Belarýske turaqtanady. Sarapshy Soltústik Qazaqstan oblysynan ózge elge qonys aýdarýshy azamattardyń sany oblysqa kóship keletinder sanynan kóp deidi.
- 2016 jyly oblysqa 743 adam kóship keldi. Al ketkender sany 3 myń 276. Petropavl qalasyna 476 azamat kóship kelip, 1798 adam ketip qalǵan. 2016 jyly shetelge kóshkenderdiń kóbi Resei, Germaniia jáne Belarýske ketti, - dedi Gúljihan Aigozina.
Statistika mamandarynyń deregine sáikes, respýblika aýmaǵyndaǵy kóshi-qon boiynsha Soltústik Qazaqstan oblysy turǵyndary qonys aýdaratyn qalalardyń ishinde Astana qalasy birinshi orynda tur. Keiingi orynda Aqmola oblysy, Qaraǵandy jáne Qostanai qalalary tur.
Ótken jyly Qazaqstannan 26 myń 747 adam, onyń ishinde Soltústik Qazaqstan oblysynan 2 myń 555 azamat ózge eldiń azamattyǵyn alǵan. 2017 jyldyń birinshi jartysynda Qazaqstannan 4 myń 423 adam (onyń 461-i Soltústik Qazaqstan oblysynan) shetelderge qonys aýdarǵan.
