Innovatsiialyq tehnologiialar salasynda Qazaqstandy AQSh-pen jáne Eýropamen bailanystyrǵymyz keledi. Bul týraly búgin «Digital Bridge» halyqaralyq innovatsiialyq forýmy aiasynda BAQ ókilderine suhbat bergen «Startup Genome» bas direktory Jan-Frantsýa Gote bildirdi, dep habarlaidy QazAqparat tilshisi.
«Qazaqstanǵa IT-tehnologiialar salasyn damytýǵa járdem berý maqsatynda kelip otyrmyz. Biz Qazaqstandy AQSh-pen jáne Eýropamen bailanystyra alamyz. Sonymen qatar, biz barynsha kooperativti bolýymyz qajet», - dedi ol.
Onyń aitýynsha, «Startup Genome» kompaniiasy óziniń IT-tehnologiialar salasynda jinaqtaǵan tájiribesin Qazaqstanmen bólisip, kómek kórsetýge daiyn.
«Jalpy, Qazaqstannyń bul baǵyttaǵy áleýeti óte jaqsy. Buǵan qosa, elderińizde injenerlik jáne aqparattyq kóptegen joba bar eken. Olar bolashaqta Qazaqstannyń innovatsiialyq tehnologiialar salasynyń gúldenýine septigin tigize alady», - dedi Jan-Frantsýa Gote.
Aita keteiik, forýmynyń ashylýynda QR Aqparat jáne kommýnikatsiialar ministri Dáýren Abaev Qazaqstan Aziia men Eýropa tehnologiialyq ortalyqtarynyń arasynda altyn kópirge ainalatyndyǵyn aitty.
Digital Bridge - Qazaqstandaǵy biylǵy jyly ótip otyrǵan basty innovatsiialyq oqiǵa.
Qatysýshylar forýmnyń dialogtik alańynda tsifrlandyrý salasyndaǵy sońǵy álemdik trendterdi talqylap, aldyńǵy qatarly tájiribelermen jáne biznes-modeldermen bólisedi. Forýmǵa halyqaralyq IT-qoǵamdastyǵynyń negizgi ókilderi, tehnologiia salasyndaǵy tanylǵan sarapshylar, kásiporyn basshylary, tehnologiialyq kásipkerler, sondai-aq birqatar eldiń memlekettik sektorlarynyń ókilderi, ǵalymdar, tsifrlyq ázirlemeler salasynyń mamandary, venchýrlyq investorlar qatysýda.
Forým aiasynda «Tsifrlyq ekonomika damýynyń jahandyq trendi jóninde dialogy» atty plenarlyq sessiiasy ótedi. Sonymen qatar sessiia jumysyna QR Premer-Ministri Baqytjan Saǵyntaev, Resei Federatsiiasynyń tsifrlyq damý, bailanys jáne buqaralyq kommýnikatsiialar ministri Konstantin Noskov qatysady dep kútilýde.
